Ռոբերտ Քոչարյանի պաշտպանը միջնորդություն ներկայացրեց
Ռոբերտ Քոչարյանի պաշտպան Հայկ Ալումյանը դատական նիստի մի հատվածը դռնփակ անցկացնելու մասին միջնորդություն ներկայացրեց: Միջնորդությունը ևս քննվելու է դռնփակ:
ՀՀ երկրորդ նախագահ Ռոբերտ Քոչարյանը մեղադրանքի վիճարկման վերջում հայտարարեց. «Ես խնդրել եմ մի դրվագ, որը կցանկանամ և պարտավոր եմ ասել ուղղակի փակ դռների ետևում: Կխնդրեմ միայն սրա հետ կապված Արցախի երկու նախագահները մնան»:
Դատավոր Դավիթ Գրիգորյանն արձագանքեց, որ հնարավոր չէ Արցախի նախագահների ներկայությունն ապահովելը. «Նախ դատարանը պետք է քննարկի այդ հարցը՝ պետք է դռնփակ լինի, թե ոչ: Եվ եթե Դուք միջնորդեք, որ պետական գաղտնիք պարունակող տեղեկություններ կան, միջնորդությունը բավարարելուց հետո, եթե դռնփակ եղավ, այլ անձ, բացի կողմերից, իրավունք չունի ներկա գտնվել դատական նիստին»:
Միջնորդությունը ներկայացնելուց հետո լրագրողները, Արցախի ներկա և նախկին նախագահներն ու դահլիճում գտնվող մարդիկ դուրս եկան նիստերի դահլիճից:
Հետևեք մեզ Viber-ում
