Ինչ ցուցմունք են տվել նախկին և ներկա ՊՆ պաշտոնյաները Քոչարյանի գործով


Ռոբերտ Քոչարյանի խափանման միջոցի գործով դատական նիստում նրա պաշտպան Հայկ Ալումյանը ներկայացրել է «Մարտի 1»-ի գործով մի քանի առանցքային վկաների ցուցմուքներից հատվածներ:


Ալիկ Միրզաբեկյանի ցուցմունքը


Ըստ 2008-թվականին ՀՀ պաշտանության նախարարի տեղակալի պաշտոնը զբաղեցնող Ալիկ Միրզաբեկյանի ցուցմունքներից մեջբերված հատվածների`
Ալիկ Միրզաբեկյանը նույնպես ներկա է եղել 2008թ. փետրվարի 23-ի հայտնի խորհրդակցությանը։ Ռոբերտ Քոչարյանը խորհրդակցության ընթացքում Միքայել Հարությունյանին հարցրել է, թե որտե՞ղ է Մանվել Գրիգորյանը, ինչին ի պատասխան Հարությունյանն ասել է, որ տեղյակ չէ, ինչի համար նրան Քոչարյանը կշտամբել է իրավիճակին չտիրապետելու համար:
«Նախագահը մտահոգություն էր հայտնում առ այն, որ ԵԿՄ-ն Մանվել Գրիգորյանի ղեկավարությամբ ցանկանում է անցնել ընդդիմության կողմը, և խնդիր դրեց, որ եթե որեւէ մեկը ցանկանում է մնալ ԵԿՄ կազմում, ապա պետք է թողնի պաշտոնը, քանի որ այդ ժամանակ ներկա գտնվողներից շատերն էին ԵԿՄ անդամ: Այլ բան այդ խորհրդակցությունից չեմ հիշում: Դրանից հետո հիշում եմ, որ հաջորդող օրերին զորքեր էին բերում Երեւան: Մարտիմեկյան իրադարձությունների մասին լսել եմ լուրերից, հեռուստացույցից: 0038 հրամանին, որը շահարկվում է այժմ մամուլում, ես չեմ ծանոթացել, չեմ կարող հայտնել, թե ինչու, ինչպես նաև հիշում եմ, որ մարտի 1-ին նախագահ Քոչարյանը հրամանագիր ստորագրեց արտակարգ դրություն հայտարարելու մասին: Այլ տեղեկություններ ինձ հայտնի չեն, քանի որ ես որեւէ հարցում ներգրավված չեմ եղել, եւ իմ ենթակա ստորաբաժանումները որեւէ գործողության չեն խառնվել»,- ասել է Միրզաբեկյանը: Ալիկ Միրզաբեկյանը 2016թ. ապրիլի 26–ին ազատվել է ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետի պաշտոնից։

Մովսես Հակոբյանի ցուցմունքը
«Փետրվարի 23-ին ժամը 11:00-ի սահմաններում ՀՀ նախագահի նստավայրում մասնակցել ենք խորհրդակցության: Այն անց է կացրել ՀՀ նախագահ Ռոբերտ Քոչարյանը, ներկա են եղել ՀՀ Զինված ուժերի օպերատիվ ղեկավարությունը՝ նախարար Միքայել Հարությունյանի գլխավորությամբ: Խորհրդակցության ընթացքում քննարկվել է ՀՀ պաշտպանության նախարարի տեղակալներ՝ Մանվել Գրիգորյանի եւ Գագիկ Մելքոնյանի հավանական մասնակցությունը քաղաքական գործընթացներին: Նախագահ Ռոբերտ Քոչարյանը զայրացել է Միքայել Հարությունյանի վրա եւ նրան ասել, թե այդ ինչ նախարար է, որ իր տեղակալների գտնվելու վայրի մասին տեղեկություններ չունի: Ռոբերտ Քոչարյանը Լեւոն Երանոսյանին հանձնարարել է, որ գնա ու Մանվել Գրիգորյանին ասի, որ իրերը հավաքի ու ... լինի իր տուն: Ես այդքանն եմ հիշում այդ խորհրդակցությունից»,- ասել է Հակոբյանը։
Ընդհանուր խորհրդակցության իմաստն ըստ Մովսես Հակոբյանի պատկերացման՝ այն էր, որ Ռոբերտ Քոչարյանը ցանկանում էր, որ զինված ուժերի ողջ անձնակազմն անմիջապես իրենից լսեն, թե ինչպես է պատժելու այն զինվորականներին, որոնք կփորձեն ներքաշվել քաղաքական պրոցեսներին:
Մովսես Հակոբյանը այժմ զբաղեցնում է գլխավոր ռազմական տեսուչի պաշտոնը, այն ժամանակ Արցախի պաշտպանության նախարարն էր:


Քոչարյանի հայտարարությունը


Դատական նիստի ընթացքում ՀՀ երկրորդ նախագահ Ռոբերտ Քոչարյանը հայտարարություն է արել, որը լրագրողների հետ զրույցում ներկայացրել է նրա պաշտպանական խմբի անդամ Հայկ Ալումյանը։ Նրա խոսքով` Մեղադրանքի մեջ կա հետեւյալ դրվագը, որ Ռոբերտ Քոչարյանի եւ Սերժ Սարգսյանի մերձավոր շրջապատից որոշ անձինք իրենց թիկնազորի եւ հանցավոր հեղինակություն վայելող մի շարք անձանց հետ կատարել են մի շարք գործողություններ, օրինակ՝ մասնակցել են հավաքների ճնշմանը։Քննիչը նման ձեւակերպմամբ մեղադրանք ստորագրելու իրավունք չուներ, քանի հնարավոր չէ հասկանալ, թե ովքեր են այդ անձինք:
«Եթե 10 հոգուց 3-ը «չերյոմուխայից» են զոհվել, մնացած 7-ի սպանության հանգամանքները մինչեւ այսօր պարզված չեն, եւ սպանությունը այս քննչական մարմինը փորձում է վերագրել այդ անորոշ անձանց, որ քողարկի գործի իրական հանգամանքերը։ Պարոն Քոչարյանի ասածի իմաստը դա է, որ քննչական մարմինը հիմա փորձում է անորոշ ձեւակերպումներով տպավորություն ստեղծել, որ 7 հոգու սպանության համար պատասխանատու են այս անորոշ անձինք, ընդ որում՝ առանց նշելու, թե ովքեր են այդ անձինք։ Պարոն Քոչարյանը նշեց՝ այս անձանցից որեւէ մեկի դեմ մեղադրանք առաջադրվե՞լ է, ինչպես կարելի է ասել՝ որոշ անձինք կատարել են այս արարքները եւ չմատնանշել, թե ում մասին է խոսքը»,- Քոչարյանի խոսքը փոխանցել է Ալումյանը։


«0038» հույժ գաղտնի հրամանի մասին


«0038» հույժ գաղտնի հրամանով զինված ուժերի օգտագործում նախատեսված չի եղել։ «0038» հրամանում չկա մի այնպիսի դրույթ, որով պաշտպանության նախարարը դուրս եկած լիներ իր լիազորությունների սահմաններից։ Այսինքն՝ եթե վերլուծենք, «0038» հրամանի ամեն մի դրույթում որևիցե բան չկա, որ պաշտպանության նախարարը հրամանի մեջ ընդգրկել է ու դա իր լիազորությունների մեջ օրենքով չլիներ: Մինչև 2008թ.-ի Մարտի 1-ն ինչ տեղաշարժ որ կատարվել է՝ զորամասերից առանձին անձնակազմի ինչ-որ ուրիշ զորամաս տեղափոխումը, զինված ուժերի օգտագործում չէ։ Մինչև Մարտի 1-ը Զինված ուժերը չեն օգտագործվել, այլ տեղափոխվել են։ Զորքի օգտագործում չի եղել։ Մեղադրանքում նշված է, որ զինված ուժերը օգտագործվել են, մինչդեռ դա վկայող որևէ փաստ չկա։Չի գրված՝ որտե՞ղ են օգտագործվել Զինված ուժերը, ինչպե՞ս են օգտագործվել, ո՞ր զորամասն է օգտագործվել։ Չկա։ Ուղղակի գրված է՝ օգտագործվել են»,- պաշտպանական կողմի դիրքորոշումը ներկայացնելով նշել է Քոչարյանի փաստաբանական խմբի անդամ Հայկ Ալումյանը։

Հայկ Դավթյան

դիտվել է 2128 անգամ
Լրահոս
Ինչո՞ւ բոլոր ազատասերները, երբ գալիս են իշխանության, պարզվում է՝ բռնшպետներ են. Մարգարիտա Սիմոնյան Ալե՛ն, ամենամեծ սրիկան դու ես․ ո՞վ ես, որ դու մեզ սրիկա ասես․ քաղաքացի (video) Արագածոտնում «ՎԱԶ 2106»-ը դուրս է եկել ճանապարհից և շրջվելով հայտնվել դաշտում․ վիրավորները ուսուցչուհիներ են Փաշինյանական քաղցր ստերի մահաբեր հետևանքների մասին Դուք վախեցած եք. եւ դա միակ մարդկային ճշմարիտ զգացմունքն է, որը հենց ձեզ համար է ստեղծվել. Ռուբեն Մխիթարյան Ռուսները գիտեն՝ երբ են Նիկոլի հարցը լուծելու․ Արգիշտի Կիվիրյան (video) Վեճ՝ Երևանի ավագանու ընդդիմադիր անդամների և Արմեն Բեգոյանի միջև (video) Այսօրվանից տաքանալու է, առանձին շրջաններում սպասվում է կարճատև անձրև Հայաստանն ու Ադրբեջանը ավելի քան երբևէ մոտ են խաղաղությանը՝ հայտնում են Բաքվից Ալեն Սիմոնյան, կա՛մ ես թևերս կկտրեմ, կա՛մ դու․․․ Տիրան Լոքմագյոզյան (video) Ինչու Բաքուն չցուցադրեց Արայիկ Հարությունյանի հետ հարցազրույցը՝ պարզաբանում են հեռուստաալիքից Ռուսներն այլևս չեն խնայում․Փաշինյանի առաջ պայման են դրել․ Արդարադատության նախարարի նախկին տեղակալ (video) Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի Ադրբեջանը քարոզում է, թե «բնակչության ավելի քան 95 %-ը հավատում է գյուղերի վերադարձին» Շահումյան փողոցում զենքի գործադրմամբ խուլիգանություն, սպանության փորձ կատարելու վարույթով կալանավորվել է նույն քաղաքի 32–ամյա բնակիչը Ղարաբաղում մեր քայլերը հանդիպում էին միջազգային ուժերի հակազդեցությանը. Էրդողան Արա՛, դուք դաժը «դիշովկա» չեք, գիտե՞ք՝ ինչ եք․ Միկա Բադալյան (video) Մեքենան գլորվել է ձորը, վարորդը մահացել է Իմ դիմումի հիման վրա ՀՀ քննչական կոմիտեում վարույթ է նախաձեռնվել Նարեկ Սամսոնյանի բռնի ձերբակալության առիթով․ Թովմասյան Շիրակում գործում է պետական ծառայությունների անվան տակ գործող ինքնակոչների խումբ Ոսկեպարցիներն անհամբեր սպասում են «BMW» -ն հայտնվել է բենզալցակայանի հարևանությամբ գտնվող տարածքում. վարորդի ինքնությունը պարզվում է Իրավապահները խուզարկություն են իրականացնում Ազգային ժողովրդավարական բևեռի որոշ անդամների և համակիրների բնակարաններում «Վանաձոր» քրեակատարողական հիմնարկի 17 ծառայողների նկատմամբ կիրառվել են կարգապահական տույժեր Տաջիկստանում «Կրոկուսի» գործով 9 մարդ է ձերբակալվել
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am