Վերելակների վարձավճարները կթանկանան. կարգին Հայկոյի նոր որոշումը

Երևանում վերելակների սպասարկման վարձավճարները կարող են բարձրանալ մոտ 30 տոկոսով: Երևանի քաղաքապետարանում այս երկուշաբթի տեղի ունեցած ասուլիսի ժամանակ նման կարծիք է հայտնել Երևանի քաղաքապետի տեղակալ Հայկ Սարգսյանը:

«Երևանի վերելակային ֆոնդը բավական հին է: Քաղաքի առկա վերելակների շուրջ 70%-ն ավելի քան 40 տարվա ծառայության ժամկետ են անցել:
Վերելակների վորանորոգումը, վերազինումը և փոխարինումը բավական մեծ ծախսեր է ենթադրում, իսկ համայնքային բյուջեն նման միջոցներ չունի: Խոսքը ավելի քան 30 մլրդ դրամի մասին է. սա, նախնական հաշվարկով, մինչև 1600 վերելակի փոխարինման ծախսերի ընդհանուր գումարն է: Մինչդեռ Երևանի սեփական մուտքերի ընդհանուր ծավալը 2019թ. համար կազմում է 31 մլրդ դրամ: Դա նշանակում է, որ եթե քաղաքն ինքնուրույնաբար այս ծրագիրն իրականացնի, ապա անհրաժեշտ կլինի բացառել քաղաքում որևէ այլ ծրագրի իրագործում:
Վերելակների առկա ֆոնդի փոխարինման և բարելավման ծրագիրն այս պահին ավարտական փուլում է: Մոտ օրերս կդիմենք Կառավարություն՝ համապատասխան ֆինանսական տարբերակ հաստատելու համար: Մեր նախագծած մոդելը ներառում է Կառավարության աջակցությունը, նաև լրացուցիչ միջոցների ներգրավում, դրանք կլինեն փոխառու կամ վարկային միջոցներ, նաև` դրամաշնորհներ: Վերելակները փոխարինելու նպատակով ծախսվող միջոցների փոխհատուցումը նախատեսում ենք շուրջ 20-25 տարվա ընթացքում: Սա այն բաշխվածքն է, որը հնարավորություն է տալու այսօրվա՝ առկա իրավիճակում քաղաքացիների կողմից վճարվող վերելակների սպասարկման վարձերի 20-30%-ով ավելացման պարագայում ծածկել այս միջոցները»,- նշել է փեխքաղաքապետը` հավելելով, որ 2–3 տարվա երաշխիք ունեցող ժամանակակից վերելակը մեկ մուտքի բնակիչների համար 10 միլիոն դրամ կարժենա։

Քաղաքապետարանում համոզված են, որ այս մոդելը հնարավորություն կտա վերելակները փոխարինել` բնակիչների ընտանեկան բյուջեների վրա առանձնապես մեծ ծանրաբեռնվածություն չդնելով: Ըստ Հայկ Սարգսյանի` այժմ միջին վիճակագրական բնակարանը վերելակների համար վճարում է ամսական 1600 դրամ: Ընդ որում, որևէ տրամաբանություն չկա, թե ինչու է մի շենքում ծառայությունն արժենում 1000 դրամ, մեկ այլ շենքում՝ 4000: Այսինքն` թանկանալու դեպքում միջին վիճակագրական երևանյան ընտանիքը վերելակի համար ամսվա կտրվածքով կվճարի 2000-5000 դրամ, եթե հիմք ընդունենք փոխքաղաքապետի ասած թվերը:

Նա նաև վկայակոչել է Ասիական զարգացման բանկի դրամաշնորհային ֆինանսավորմամբ իրականացված համապարփակ գնահատման արդյունքները, որոնք հուսադրող չեն:
Այսպես` ուսումնասիրվել է 200 վերելակ՝ պատահական ընտրանքով: Արդյունքները ցույց են տվել, որ վերելակները դեռևս 15 տարի առաջ էին ենթակա փոխարինման: Շուրջ 1100 վերելակի տեխնիկական գնահատում էլ իրականացվել է ԱԻՆ նախարարության կողմից, որոնց թվում 31 վերելակ շահագործման ենթակա չէ, սակայն, այնուամենայնիվ, բնակիչները դրանք միացրել են: Այսօր գործընթացի նկատմամբ խիստ հսկողություն է իրականացվում: Նման տվյալներ ներկայացնելուց հետո առնվազն տարօրինակ է փոխքաղաքապետի այն դատողությունը, թե վերելակները բաժնային սեփականություն են, ուստի յուրաքանչյուր լուծում պետք է լինի բնակիչների ցանկությամբ` «Որևէ պարտադրանք չի կարող լինել»: Այսինքն բնակչին թողնում են սեփական կամքով նստել այնպիսի վերելակներ, որտեղ մահվան ելքով պատահարները մեկից մեկ ապհովված են: Ներողություն, իսկ ո՞ւր մնաց քաղաքային իշխանության պատասխանատվությունը երևանցու հանդեպ: Բնակչին միայնակ են թողնում իր խնդրի հետ և հետն էլ հպարտորեն հայտարարում, թե պարտադրանք չկա: Շատ վատ է, որ չկա. առնվազն այդ 31 վերելակի աշխատանքը պետք է պարտադրաբար դադարեցնել: Հայկ Սարգսյանը խոստացել է, որ
քաղաքապետարանը սեփական միջոցներով կսկսի շահագործումից հանվող վերելակների փոխարինման գործընթացը՝ մինչև համալիր մոդելի իրագործումը:

Ներողություն, եթե քաղաքապետարանի ձեռքի տակ նման փաստեր կային, ի՞նչ տրամաբանությամբ էր քաղաքապետ Հայկ Մարությանը 2019 թվականի քաղաքային բյուջեում վերելակների սպասարկման գումարները նվազեցնում: Ինչ է, սպասում են, որ մեկն ու մեկն անպայման մահանա, որ նո՞ր հասկանան խնդրի բարդությունը: Ի դեպ, 2012-2018 թվականներին վերելակների վթարների հետևանքով Երևանում մահացել են 6 մարդ, ևս 5–ը` վնասվածքներ ստացել։


Հայկ Դավթյան

դիտվել է 1989 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am