Արցախի հարցով` Փաշինյանը թող հանգիստ նստի տեղը

 «Ժողովուրդն է որոշելու Ղարաբաղի հարցը, բա ով պետք է որոշի` Դուք` մի քանի կոռուպցիոներներով և բանակ թալանածներով: Իտալիաներում, Բադեն-Բադեններում պիտի տներ առնե՞ք, մոտակայքում էլ պահած ինքնաթիռ ունենաք ու դուք որոշե՞ք: Դուք ո՞վ եք, Ղարաբաղի հարց որոշեք ընդհանարպես: Համակերպվե'ք. իհարկե, ամեն ինչ պետք է ժողովուրդը որոշի` օրենսդրությամբ սահմանված կարգով: Եթե ես բանակցությունների արդյունքում ունենամ այնպիսի լուծում, որը համարեմ արժանի ներկայացնելու հասարակությանը, կգամ ու կհրավիրեմ, հնարավոր է, հանրահավաք, հնարավոր է ասուլիս կամ տեսաուղերձ և կասեմ` կա այսպիսի տարբերակ»,- հրավիրված ասուլիսի ժամանակ հայտարարել է վարչապետ Նիկոլ Փաշինյանը` պատասխանալով հանրային հեռուստաընկերության ԼՂՀ կարգավորման վարչապետի պատկերացումների վերաբերյալ հարցին:

Փաշինյանը հավանական է համարել նաև, որ Ղարաբաղի հարցը կկարգավորվի հանրաքվեի միջոցով: «Ամենկարևոր խնդիրը Ղարաբաղի հարցի հետ կապված հետևյալն է` իսկ մենք հստալ ձևակերպե՞լ ենք` ինչ ենք մենք ուզում: Եկեք հստակ ձևակերեպենք ու կառավարությանն ասեք` սա է քո խնդիրը, վարչապետ գնա ու բանակցի: Գնում ենք բանակցությունների` ասում են` ծախեցին հողերը…. Ծախողը դուք եք: Ով բարոյական իրավունք ունի` ինձ որևէ բան ծախելու մեջ մեղադրի: Մարդիկ, որ երկիրը թալանել են, ծախելու պրոցեսի մեջ են եղել, ասում են` ծախում է հողերը: Ո՞վ է դրանց բարոյական էդ իրավունքը տվել: Եվ էդ սերմացու գողացող մկները, բանակ թալանածները, զինվորի հաշվին վզները հաստացրածները, փեսեքին ու տղերքին միլիոնատեր դարձրածները պիտի Ղարաբաղի հա՞րց որոշեն: Նրանք չունեն այդ բարոյական իրավունքը` ինչ մեդալ ուզում է դոշերից կախած լինի: Ձեր տեղը նախաքննությունն ու դատարանը կորոշի»,- հայտարարել է Փաշինյանը:

Թերևս կարելի էր չքննարկել մսուր-մակնապարտեզի սանի մակարդակին հարիր այս հայտարարությունները, եթե դրանք հնչեցված չլինեին երկրի ղեկավարի կողմից, ում վրա դրված է ազգային և պետական կարևորագույն հարցերի շուրջ բանակցությունները: Մարդը, ով ավելի քան մեկ տարի երկրի ղեկավարն է, այդպես էլ չի կարողանում հստակ մոտեցում ձևակերպեսլ բանակցային գործընթացի վերաբերյալ: Հասարակությունը ուզում է հասկանալ` ի՞նչ մոտեցումներով է առաջնորդվում վարչապետ Փաշինյանը, իսկ նա ոչ ավել - ոչ պակաս հայտարարում է, թե թող հասարակությունն ասի` ինքն ինչ է ուզում, որ ես դրա շուրջ բանակցեմ: Ներողություն, Դուք երկրի վարչապե՞տ եք, թե՞ գյուղամիջում նարդի խաղացող «բարադի»: Դուք չգիտե՞ք, որ ժողովուրդն իր խոսքն ասել է պատերազմի դաշտում` արժանապատիվ հաղթանակով, ազատագրված տարածքներով և այդ տարածքների սահմանները արդեն ավելի քան 30 տարի ամուր պահելով` դրա դիմաց վճարելով մեր զինվորի կյանքով ու արյամբ:

Հասարակությունն ուզում է առավելագույնը` Արցախն ու ազատագրված տարածքները: Իշխանության խնդիրն է բանակցել` ստանալու համար առավելագույնը: Մենք ուզում ենք հասկանալ` ի՞նչ արդյունք ունի այս առումով հեղափոխական վարչապետը: Ուզում է հանրաքվե անցկացնել Ղարաբաղի հարցով. լավ, բայց չէ՞ որ ինչ-որ առաջարկ է դրվելու դրա հիմքում: Ինքը` որպես վարչապետ, ի՞նչ է անում, որ այդ առաջարկը հայամետ լինի: Այս հարցին պատասխանելու փոխարեն` Նիկոլ Փաշինյանը նախկին իշխանություններին ցուցում է տալիս` հանգիստ նստել տեղները և չմտածել Ղարաբաղի հարցի լուծման մեջ դերակատարում ունենալու մասին: Սա այն դեպքում, երբ նույն Սերժ Սարգսյանն ու Ռոբերտ Քոչարյանը, նախկին իշխանության բազմաթիվ ներկայացուցիչներ Արցախյան ազատամարտում լուրջ ներդրում են ունեցել և բնականաբար վաստակել են այդ մասին խոսելու և պահանջներ դնելու իրավունք: Նիկոլ Փաշինյանը սա պետք է ընդունի ի գիտություն կամ, ինչպես ինքն է սիրում ասել, հանգիստ նստի տեղը:


Հայկ Դավթյան

դիտվել է 4396 անգամ
Լրահոս
Արարատ Զուրաբյանի դստեր հրաժեշտի արարողությունը կկայանա Լոս Անջելեսում. Երևանում կտրվի հոգեհանգստի կարգ Շարունակում եմ պայքարս՝ ինձ հասանելիք ցանկացած միջոցով. Արմեն Աշոտյան Տարածաշրջանում իրավիճակը գերլարված է. Արմեն Պետրոսյան Բոլթոնը Իսրայելին կոչ է արել ոչնչացնել Իրանի միջուկային ծրագիրը Սարսափելին այն է, որ այս փոթորկոտ ու ցնցումային ժամանակահատվածում Հայաստանը ղեկավարում է Նիկոլ Փաշինյանը Իսրայելը ուժգին պատասխան է խոստացել Իրանի հարձակմանը Իսրայելը ՄԱԿ-ի ԱԽ-ի շտապ նիստ է խնդրել Իրանը հայտարարել է թիրախները ոչնչացնելու ու Իսրայելի դեմ գործողության ավարտի մասին Այս հակամարտության արձագանքները լսվելու են նաև Հայաստանում. Գեղամյան Ֆրանսիան դատապարտել է Իրանի հարձակումն Իսրայելի վրա Մերձավոր Արևելքի երկինքն (լուսանկար) Իրանը կպատասխանի այն երկրներին, որոնք տարածք կտրամադրեն Իսրայելին՝ հարձակման համար Հորդանանն ու Իրաքը ժամանակավորապես կփակեն իրենց օդային տարածքները Իսրայելը պատրաստ է Իրանի հարձակմանը Բաքուն յուրացնում է Արցախի ժառանգությունը՝ Ս. Պողոս-Պետրոս եկեղեցին ներկայացնելով աղվանական Իսրայելը կարող է հույսը դնել ԱՄՆ-ի աջակցության վրա․ Պենտագոնի ղեկավար Արման Ծառուկյանն առավելության է հասել Չարլզ Օլիվեյրայի նկատմամբ Թեհրանն Իսրայելի ուղղությամբ արձակել է 185 անօդաչու և 36 թևավոր հրթիռ Մահվան ելքով վրաերթ՝ Երևանում Այս պահին իրավիճակը Երուսաղեմի հայկական թաղամասում Սպասվում են տեղումներ, օդի ջերմաստիճանը կնվազի Հայաստանը հաշվի չի առել Վենետիկի հանձնաժողովի եւ ԴԻՄԻԲ-ի որոշ առաջարկներ. Freedom House Շոլցը Զելենսկիին տեղեկացրել է Բեռլինի կողմից Կիևին ևս մեկ Patriot համակարգ ուղարկելու մասին Արտաքին ուժերի կողմից ուղղորդվող խումբ է ղեկավարում Հայաստանը Մեր դեմ իրականացվում էր բացահայտ քաղաքական հետապնդում․ Տարոն Մանուկյան
Ամենաընթերցվածները
Շուտով
Ապրիլի 13-ին՝ ժամը 12:00-ին, Հայելի ակումբի հյուրն է Սամվել Հակոբյանը Ապրիլի 12-ին՝ ժամը 16:00-ին, Հայելի ակումբի հյուրն է Վահագն Չախալյանը Ապրիլի 12-ին՝ ժամը 15:00-ին, Հայելի ակումբի հյուրն է Արգիշտի Կիվիրյանը Ապրիլի 12-ին՝ ժամը 11:00-ին, Հայելի ակումբի հյուրն է Տիգրան Չոբանյանը Ապրիլի 12-ին՝ ժամը 13:00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը Ապրիլի 11-ին՝ ժամը 13:00-ին, Հայելի ակումբի հյուրն է Նաիրա Զոհրաբյանը Ապրիլի 11-ին՝ ժամը 11:00-ին, Հայելի ակումբի հյուրն է Էդգար Էլբակեանը Ապրիլի 10-ին՝ ժամը 15:30-ին, Հայելի ակումբի հյուրն է Թաթուլ Պետրոսյանը Ապրիլի 10-ին՝ ժամը 14:00-ին, Հայելի ակումբի հյուրն է Հրանտ Բագրատյանը Ապրիլի 10-ին՝ ժամը 12:00-ին, Հայելի ակումբի հյուրն է Վոլոդյա Հովհանիսյանը
Հետևեք մեզ Viber-ում https://cutt.ly/5wn8sJBS
Hayeli.am