Սասուն Խաչատրյանը,քիթը քամու ուղղությամբ պահելով մտածում է,թե ինչ է ցանկանում Նիկոլ Փաշինյանը.Ռուբեն Սահակյան

Հարցազրույց երկրորդ նախագահ Ռոբերտ Քոչարյանի պաշտպան ,փաստաբան ՀՀ Ռուբեն Սահակյանի հետ:/Մաս 1-ին/


-Դեկտեմբերի 12 –ին պաշտպանների թիմը ստացել է ՀՀ Վերաքննիչ քրեական դատարանի որոշումը,որով մերժվում է պաշտպանների՝ Վերաքննիչ բողոքը երկրոդ նախագահ Ռոբերտ Քոչարյանի նկատմամբ կալանքը որպես խափանման միջոց ընտրելու վերաբերյալ առաջին ատյանի դատարանի որոշումը թողնել անփոփոխ:Ի՞նչ պատճառաբանություններով է մերժվել:

-Վերաքննիչ դատարանը չի պատասխանել մեր հարցադրումներին,չի պատասխանել անձեռնմխելիության հարցին,անձեռնմխելի է կարգավիճակից բխող գործողությունների համար հանրապետության նախագահը ,թե ոչ,ինչ-որ բան արտագրել են Վճռաբեկ դատարանի որոշումից և դրանով բավարարվել:Որոշակի հետևություններ է կատարելի իրենից,որոնք օբյեկտիվ չեն և լուրջ քննադատության կարիք ունեն ,ինչը մենք կանենք մեր Վճռաբեկ բողոքում: Անպայման կդիմենք նաև Եվրոպական դատարան: Ինձ հետաքրքրող հարցը՝քրեական օրենսգրքի 300 հոդվածի և առաջարդված մեղադրանք ՝300.1 հոդվածի հարաբակցության հարցին ընդհանրապես չի անդրադարձել:Դատավորին թվում է ,թե դա գաղտնիք է և դրա մասին չի կարող խոսել,եթե դրա մասին խոսեցինք,կարող ենք մխրճվել գործի ապացույցների մեջ:

-Ձեր ներկայացրած բոլոր փաստարկներին անդրադարձ եղել է,թե՞ ոչ :

-Իհարկե չի եղել:

-Կա տեսակետ,որ քննիչները դուրս են եկել իրենց լիազորություններից:

-Քննիչը մտածում է այնպես,ինչպես մտածում է քննչական խմբի պետը, քննչական խմբի պետը մտածում է այնպես ,ինչպես ՀՔԾ պետը,իսկ ՀՔԾ պետը,քիթը քամու ուղղությամբ պահելով մտածում է ,թե ինչպես է ցանկանում վարչապետ Նիկոլ Փաշինյանը :Եղել է այն մեղադրանքը,որը կա,իսկ դա ջուր է:

-Ասուլիսներից մեկի ժամանակ խոսեցիք գաղտնալսման մասին,այս հարցի վերաբերյալ ձեր տեսակետը:

-Ջուրը լսեցիք,դա ասացիք:Երկրոդ գաղտնալսումից հետո Նիկոլ Փաշինյանը նման մի միտք արտահայտեց՝նայեք իմ այսինչ օրվա ԱԺ-ում 20 րոպեանոց ելույթս և տեսեք,որ ամեն ինչ ճիշտ է ,իր տեղում է:Ես ուշադիր նայել եմ և ամբողջությամբ սղագրել եմ:Այնտեղ ասում է,որ գիտեք ,պարզվել է,որ ոչ թե ԱԱԾ պետն է զանգահարել դատավորներին կամ դատական իշխանության ներկայացուցիչներին, այլ կամ դատական իշխանության ներկայացուցիչներն են զանգել ԱԱԾ պետին,ուրեմն ընունում ենք ,որ զանգ եղել է:Այլ կերպ լինել չի կարող:Ես հավատում եմ Նիկոլ Փաշինյանին:Եթե զանգը եղել է և Նիկոլ Փաշինյանը շարունակում է,որ ըստ ԱԱԾ պետի,որը իրեն ասել է,թե հիմա էլ այսպիսի նոր բան են ասում,թե գործը ջուր է,տակը բան չկա…Նիկոլ Փաշինյանը ասում է,որ ԱԱԾ պետը իրեն նման բան է ասել,փոխանցելով կամ դատական իշխանության ներկայացուցչի խոսքը:Եթե գործը ջուր է ասում դատական իշխանության ներկայացուցիչը ,ուրեմն դատական իշխանության ներկայացուցիչը համամիտ է մեզ հետ,մենք էլ ենք նույնը ասում,տակը բան չկա:

-Ձայնագրությունը ուրիշ հիմք տվե՞ց ձեզ:

-Մեզ հիմք տվեց,որ եղել է ճնշում դատավորի վրա,ասում են մոնտաժված է,արդյո՞ք մոնտաժված է ԱԱԾ պետի խոսքը, որը ասել է՝ես իրեն ասացի դուխով ,ուզես-չուզես կալանքը պետք է տաս: Եղե՞լ է նման բան:Եղել է:Ինքը ասում է՝մենք լսում ենք:նիկոլ Փաշինյանն ասում է՝եղել է: Այդ բառերը կոնտեքստից կտրվա՞ծ են,չէ: Պարզաբանում տվեց ԱԱԾ պետը,ասաց,որ գիտեք այն Հրաչիկը,որի մասին ակնարկվում է հեռախոսային խոսակցության մեջ,դա Հրաչիկ Մուշեղյանն է,ով քննչական խմբի պետն է :Քննչական խմբի պետ՞ն է ուրեմն ասել ՝գործը ջուր է:Այսպես է լինում:Եթե Նիկոլ Փաշիյանն ասել,որ նրան ասել են գործը ջուր է և ասել էմ ի անձնավորություն,որը Հրաչիկն է ,իսկ Հրաչիկը Մուշեղյանն է,ուրեմն Մուշեղյանն է ասել,որ գործը ջուր է,ուրեմն քննչական խմբում էլ կան մարդիկ,ովքեր մտածում են ճիշտ այնպես,ինչպես մենք :Ինչո՞ւ պետք է ՀՀ վարչապետը իմանա գործի տեղեկությունները ,ինչու են նրան զեկուցու՞մ:

-Ասացիք ,որ քննիչները կարդալ չգիտեն,ինչի՞ մասին է :

-ՀՔԾ պետը՝Սասուն Խաչատրյանը, Հանրայինի եթերում զրույց ունեցավ և ասաց՝ այն ժամանակվա՝2008 թվականի քրեական օրենսգրքով 300 հոդվածով Սահմանադրական կարգը տապալելը կարող էր կատարվել 4 եղանակով՝իշխանությունը ապօրինի զավթելը,իշխանությունը պահելը,Սահմանադրական կարգը տապալելը ,տարածքային ամբողջականությությունը խախտելը: Ես համոզված եմ,որ նա կարդալ գիտի ,ոնց կարող է չիմանալ,նա գիտի և նենգափոխում է փաստերը,նա պետք է ասեր,որ հոդվածը այն ժամանակ կոչվում էր այլ կերպ՝պետական իշխանությունը յուրացնելը՝2008 թվականի խմբագրությամբ: Պետական իշխանությունը յուրացնելը կարող է ունենալ 4 դրսևորում՝ ՝իշխանությունը ապօրինի զավթելը,իշխանությունը պահելը,սահմանադրական կարգը տապալելը ,տարածքային ամբողջականությությունը խախտելը: Ինչու է տերմինները փոխո՞ւմ: Սասուն Խաչատրյանին պետք է եղել,որ լինի սահմանադրական կարգ տապալելու նորմ:Ինչո՞ւ է պետք,որովհետև…մանր մանիպուլյացիա է կատարվում,խաբում են ժողովրդին :Ես համոզված եմ,որ կգտնվեն իրավաբաններ,որ հակառակը կասեն ինձ, բայց եթե դեմ դիմաց նստած լինենք,չեն կարող ասել:Պետական իշխանությունը յուրացնելը հանցակազմը,որը եղել է 2008 թվականին, գոյություն չունի, վերացել է,քրեական օրենսգրքից հանվել է և ներմուծվել է պետական իշխանությունը զավթելը հանցակազմ ,որը բաղկացած է երկու մասից,առաջին մասը զավթելը,երկրորդ մասը՝պահելը:
Հոդված 300.Իշխանությունը յուրացնելը/2009թ. խմբ/
1.Իշխանությունը զավթելը՝բռնություն գործադրելու կամ բռնություն գործադրելու սպառնալիքի միջոցով ,ինչպես նաև սահմանադրությամբ չնախատեսված այլ եղանակով Հանրապետության Նախագահի …լիազորություններին տիրանալը…
2. Իշխանությունը պահելը` Հանրապետության Նախագահի, պատգամավորի, վարչապետի, նախարարի լիազորությունների ավարտից հետո այդ լիազորությունների իրականացումը շարունակելը …
Այս հոդվածով թող մեղադրանք առաջադրեին,եթե ասում եք,որ պետական իշխանության յուրացնելու հոդվածը ունի 4 դրսևորում,այսինքն ինքը պետք է պետական իշխանությւնը սկզաբից յուրացներ,նոր կարողանար Սահմանադրական կարգը տապալել:Իշխանություն որ չունի,ոնց կարող է Սահմանադրական կարգը տապալել,սովորական մի քաղաքացի,ի՞նչ է նշանակում տապալել Սահմանադրական կարգը:Պետք էր գտնել հոդված , այս հոդվածը վերացել է,2008 թվականի 300 վերացել է,ներմուծվել է նոր նորմ,որով չեն կարող մեղադրել պետական իշխանությունը զավթելու մեջ ,որովհետև նա չի կարող զավթել այն,ինչ արդեն ունի,ինքը այդ իշխանության կրողն է,ինքը հանրապետության նախագահն է:Ո՞րն է Սասուն Խաչատրյանի ասած ՝300.1 հոդվածը. Սահմանադրական կարգը տապալելը/18.03.2009 թվ/. Սահմանադրության 1-ից 5-րդ հոդվածներով կամ 6-րդ հոդվածի առաջին մասով նախատեսված որևէ նորմը փաստացի վերացնելը, որն արտահայտվում է իրավական համակարգում այդ նորմի գործողության դադարեցմամբ՝

-Սահմանադրության երաշխավորը սահմանադրության կարգը տապալել է,դա հնարավո՞ր է:

-Այստեղ կարևորը այլ է.այս նորմը գոյություն չունի ,վերացել է,մահացել է,խոտան է, չկա այս հոդվածը,հարկավոր է մի բան կպցնել,կպցնենք սա ,չի կպնում,որովհետև խոսքը պետական իշխանությունը յուրացնելու մասին է,որից հետո կարող է տապալվել սահմանադրական կարգը:Ինչու ասացի Ազարյանից էլ եմ դժգոհ.դու անդրադարձել ես միայն և միայն անձեռնմխելիության հարցին:Ես պաշտում եմ դատավոր Ազարյանին որպես մասնագետ,իրավաբան,ինչու է այսպես վարվել,կարող է ինքը հիմնավորի ,որ ես սխալ եմ:Ես հավատում եմ հանրապետության համար մեկ քրեական դատավորին,ես աշխատում եմ իմ բառերով ասել,ոչ թե օրենքի ,որ ավելի հասկանալի լինի:Մենք ունենք Վճռաբեկ դատարանի նախագահ Խոնդկարյան,որը քաղաքացիական իրավունքի մասնագետ է,մենք ունենք Քրեական Վճռաբեկ դատարանի, քրեական գործերով պալատի նախագահ Լիլիթ Թադևոսյան,որը գիտությունների դոկտոր է,մենք ունենք այդ կազմում դատավոր, գիտությունների դոկտոր Սերժիկ Ավետիսյան,ով առանձին կարծիք հայտնեց,որ պետք է դիմել ՍԴ:

-Ինչո՞ւ եք նշում այս անունները:

-Իմ ձեռքի տակ է մի որոշում,որտեղ գրված է այն ,ինչ ասում ենք մենք՝Ռոբերտ Քոչարյանի փաստաբանները:Եթե հիշում եք կար յոթի գործ՝Ալեքսանդր Արզումանյան,Մյասնիկ Մալխասյան ,Հակոբ Հակոբյան և այլն:Նրանց մեղադրանք էր առաջադրվել քրեական օրենսգրքի 300 հոդվածով և այն ժամանակ ,երբ 1 տարի անց ՝2009-ին,քրեական օրենսգրքում փոփոխություն մտցվեց և 300 հոդվածը ստացավ այլ ձևակերպում,որը ես ներկայացրեցի և դրա հետ մեկտեղ եկավ 300.1 հոդվածը,ինչ գրեցին այդ գործով Լիլիթ Թադևոսյանը և ևս 5 դատախազներ:Լիլիթ Թադևոսյանը այդ ժամանակ մեղադրող կողմում էր և դատարանում նրանք հրաժարվեցին 300 հոդվածի մեղադրանքից:Ձևակերպումը կարդամ՝որոշում քրեական հետապնդումից մասամբ հրաժարվելու, եղած մեղդարնքից հրաժարվելւ և նոր մեղադրանք առաջադրելու մասին.31-ը մարտի ,2009 թվական:Փոփոխությունը մտնելուց 13 օր անց: Ալեքսանդր Արզումանյանին, քրեական օրենսգրքի 300 հոդված 1-ի մասով մեղադրանք է առաջադրվել այն բանի համար,որ նա մի խումբ անձանց հետ նախնական համաձայնությամբ իրականացրել է ՀՀ սահմանադրական կարգը բռնությամբ տապալելու և պետական իշխանությունը բռնությամբ զավթելուն ուղղված դիտավորյալ գործողություններ: Այն ինչ որ մեղարանք է առաջադրվել Ռոբերտ Քոչարյանին: Մինչդեռ ՀՀ ԱԺ-ի կողմից 2009 թվականի մարտի 18-ին ընդունված ՀՀ քրեական օրենսգրքում փոփոխություններ և լրացումներ կատարելու մասին ՀՀ օրենքով սահմանվել են հանրորոեն վտանգավոր արարքի նոր հանցակազմեր:Մենք սա ասել ենք ,գրել ենք,կրկնում ենք,կրկնելու ենք:Շարունակվում է ամենակարևորը.նկատի ունենալով,որ ՀՀ քրեական օրենսգրքի 13-րդ հոդվածի 2-դ մասի համաձայն ,արարքի հանցավորությունը սահմանող,պատիժը խստացնող կամ հանցանքը կատարած անձի վիճակն այլ կերպ վատթարաոցնող օրենքը հետադարձ ուժ չունի ,ուստի ամբաստանյալ Ալեքսանդր Արզումանյանի նկատմամբ ՀՀ քրեական օրենսգրքի 300-րդ հոդված 1-ին մասով քրեական հետապնդումը ենթական է դադարեցման: Մենք էլ ենք խնդրում՝դադարեցրեք մեղադրանքը նույն այս հիմքերով, հարգելի Լիլիթ Թադևոսյան:Ինչ արել եք ժամանակին ,ճիշտ եք վարվել,այս նորմը ինչու ասացի խոտան է,հո մենք չենք որոշել:Առաջին ազդակը եղավ Եվրոպական կառույցներից,Թոմաս Համերբերգի զեկույցում գրել էին,որ սա նորմ չի:Վճռաբեկ դատարան,դու գիտես այս մասին, ինչու ես լռում և ինչու ես վերադարձնում մեր բողոքը,մերժում դատախազի բողոքը ,չէր որ դու այդ լիազորությունը չունես:

-Հայտնի է,որ շուրջ 5 ամիս առաջ հայտարարվել է ՊՆ նախկին նախարար Միքայել Հարությունյանի հետախուզումը:Արդյո՞ք դա բավարար ժամանակ չէր,որ հայտնաբերեին իրեն և արդյո՞ք ճիշտ էր առանց Պնախարարի հարցաքննության կազմել այս ամենը:

- Ես անգամ կարդացի,որ գլխավոր դատախազը ասաց,որ Միքայել Հարությունյանին դեռ չեն հայտնաբերել, քաղաքացիությունը պարզ չէ,չգիտեն,թե որտեղ է,բայց 5 ամիս է անցել: Միթե 5 ամսում մի պետություն,որի հետ ունենք պայմանագիր,կոնվենցիա ենք ստորագրել հանձնման մասին,չի կարողանում ճշտել Միքայել Հարությունյանը Ռուսաատանի տարածքում է,թե ոչ:Այստեղ այլ խնդիր կա.Միքայել Հարությունյանը ճիշտ այնպես,ինչպես Քոչարյանի մասով ենք ասում,հանցանք չունի կատարած:Պետք չէ կռվացնել Ռոբերտ Քոչարյանին և Միքայել Հարությունյանին,ինչու չեն հետամուտ լինում,որ նրան հայտնաբերեն,այն պատճառով Ռուսաստանի դատախազությունը պարտավոր է քննել մի հարց՝արդյոք այն ենթադրյալ արարքը ,որի մեջ մեղադրվում է Միքայել Հարությունյանը ,այն ժամանակվա գործող օրենքով հանցանք է ,թե՞ ոչ,համապատասխանում է,օրենքին,թե՞ ոչ :Կնայի ,կտեսնի,որ չի ահմապատասխանում,կմերժի Հայաստանին և ամբողջ աշխարհը կիմանա,որ Հայաստանում տեղի է ունեցել պրիմիտիվ,մանր քենախնդրություն:

-Այդ դեպքում,ինչո՞ւ առաջ չի գալիս Միքայել Հարությույանը,եթե վստահ է,որ կդիմեն ռուս իրավապահներին,և կպարզվի,որ ոչ մի հանցակազմ չկա:

-Այդ հարցը տվեք Միքայել Հարությունյանին: Ես խորհուրդ կտայի ի հայտ գալ,կասեի՝եկեք և քննեք ինձ,ես կտամ ցուցմունք ,կասեմ,որ ես ճիշտ եմ վարվել,որ այդպիսի հրամանագիր եմ ստորագրել,իրավիճակը այդպիսին էր ,որ պետք էր այդպիսի գործողություններ իրականացվեին:

-Բազմաթիվ հրապարակումներ կան,որ 2008 թվականի մարտի 1-ին Հանրապետության նախագահը իրավասու չէր հայտարարելու արտակարգ դրություն, քանի որ այդ ժամանակ արտակարգ իրավական ուժի վերաբերյալ օրենքը ընդունված չէր:Վերաքննիչ դատարանի դատավոր Ազարյանը ճանաչեց Ռոբերտ Քոչարյանի անձեռնմխելիության իրավուքը,այժմ կարծիք կա,որ Վճռաբերկ դատարանը վերացրել է Քոչարյանի անձեռնմխելիության խնդիրը: Ո՞րն է իրականությունը:

-Ես նույնպես կարդացի իմ կոլեգաներից Նորիկ Նորիկյանը գրել էր ,որ վերացվել է Քոչարյանի անձեռնմխելիությունը ,նման բան չկա,հարգելի հաարակություն հավատացեք: Ասել է քննեք սկզբից,հիմնավոր կասկածը առկա՞ է, և եթե կտեսնեք,որ հիմնավոր կասկածը առկա է,անդրադարձեք՝ Քոչարյանի անձեռնմխելիությունը առկա է,թե՞ ոչ: Կարող է օժտված լինել,օգտվել այդ իրավունքից ,թե ոչ:

Շարունակությունն՝այստեղ

Հարցազրույցը՝Նաիրա Բաղդասարյանի

 

դիտվել է 3591 անգամ
Լրահոս
Ինչպես են Կապանում ձերբակալվածներին տեղափոխում Երևան (տեսանյութ) Առևանգում, ծեծկռտուք, թմրանյութեր. Մանրամասներ Քաջարանում անձի առերևույթ առևանգման դեպքի առթիվ քրգործի վերաբերյալ Կատարվածն, ըստ էության, քաղաքական հետապնդում է. Քաջարանի քաղաքապետ Բոլոր ձերբակալվածներին բռնության են ենթարկել. Փարամազյանը դուրս եկավ ոստիկանությունից Նիկոլ Փաշինյանի` գյուղացու մտածողությունը Մաքսանենգ ծխախոտի «գլանակը». Խորը անդունդ, հարգանքի բացակայություն հայ-ռուսական հարաբերություններում Պուտինն իր կողմն է քաշել արցախյան բանակցային սեղանը Ով է քաշվել, ում են «գցել» մաքսանենգները Հայաստանի գլխավոր «լվացքարարուհին». մաս 1-ին Ներողություն խնդրելու ծանր գինը. Նիկոլ Փաշինյանի խայտառակությունը Նիկոլ Փաշինյանին հերթական ֆիասկոն է սպասվում Ինչ է կատարվում այս պահին Կապանում. տեսանյութ «Մի՞թե երկրի վարչապետը միայն վիրուսներից խոսալու համար է… Թփերի տակ նկարներ, կորոնավիրուս, ձերբակալություններ…» Ինչո՞ւ են ոստիկանական ուժեր շարժվում դեպի Կապան Նեթանյահուին կդատեն Քաջարանի ոստիկանությունում անազատության մեջ պահվող անձին առերևույթ խոշտանգելու փաստով ոչ թե պետք է ծառայողական քննություն իրականացվի, այլ անմիջապես քրեական գործ հարուցվի. Ռուբեն Մելիքյան «Նիկոլ Փաշինյանն այլևս կորցրել է մեր ժողովրդի մեծամասնության վստահությունն ու աջակցությունը.եղբա՛յր «задержка»-ն ինչու՞մն ա...» (տեսանյութ) 2 տարում այդպես էլ չհասկացաք, որ կառավարումը հիստերիկ լայվեր անելը չէ, այլ գլուխը կախ համակարգային աշխատանքը. Կարեն Վրթանեսյանը՝ Փաշինյանին Իշխանական պատգամավորներն ընդունում են միայն Հանրային հեռուստաընկերության հրավերը Ոստիկանության զորքերը Կապան կհասնեն 1 ժամից. տեսանյութ Փաստորեն, Նիկոլի ընտանեկան թերթի կայքում պատկերված առանձնատունն էլ Սամվել Ալեքսանյանինն է Կրիմինալի ու կոռուպցիայի հետ կոմպրոմիս չի լինելու. Փաշինյան Ոստիկանական զորքեր են տեղափոխվում Կապան. պատգամավոր Անտեղի, չարած որևէ բանի համար որևէ մեկը պատիժ չի կրի. Հունան Պողոսյանը Կապանում է Դաժանաբար փակվելու է. Փաշինյանը՝ կորոնավիրուսի նոր բռնկման մասին. Տեսանյութ
Ամենաընթերցվածները
Շուտով
Մայիսի 25-ին` ժամը 13:00-ին, «Հայելի» ակումբի հյուրերն են քաղքական վերլուծաբան Գուրգեն Եղիազարյանը և «Այլընտրանքային քաղաքապետարան» նախաձեռնության անդամ, Երևանի ավագանու նախկին անդամ Սոնա Աղեկյանը: Թեմա` ՀՀ առողջաօահության նախարար Ա. Թորոսյանի հայտարարությունների, առաջացած սկանդալի շուրջ, պատասխան Վրաստանից, ՀՀ երկրորդ նախագահ Ռ. Քոչարյանի դատական գործ, փաստաբանները բողոքը հետ են վերցրել: Հահաստանից ծխախոտի արտահանման վերաբերյալ սկանդալ, ինչ մաքսանենգություններ են իրականացվել Մայիսի 25-ին` ժամը 12:00-ին, «Հայելի» ակումբի հյուրերն են ՍԱՊԾ նախկին պետ Գրիգոր Գրիգորյանը, հոգեբան Միհրդատ Մադաթյանը և քաղաքական գործիչ Հովհաննես Շահինյանը: Թեմա` ՀՀ առողջաօահության նախարար Ա. Թորոսյանի հայտարարությունների, առաջացած սկանդալի շուրջ, պատասխան Վրաստանից, ՀՀ երկրորդ նախագահ Ռ. Քոչարյանի դատական գործ, փաստաբանները բողոքը հետ են վերցրել: Հահաստանից ծխախոտի արտահանման վերաբերյալ սկանդալ, ինչ մաքսանենգություններ են իրականացվել Մայիսի 25-ին ժամը 11:00-ին «Հայելի» ակումբի հյուրերն են Նարեկ Մանթաշյանը և սոցիոլոգ Ահարոն Ադիբեկյանը: Թեմա` Կորոնավիրուսի հետևանքով առաջ եկած խնդիրներ, կառավարության քայլերը, տարածման վիճակը, պայքարի վերաբերյալ հանրության գնահատականը: Մանսագետները կներկայացնեն իրականացրած ուսումնասիրությունները: Հարգելի՛ լրագրողներ, սույն թվականի մայիսի 24–ին կիրակի օրը ժամը 16:00-ից 19:00-ը Երևան Մոլի գլխավոր մուտքի մոտ (Արշակունյաց 34 հասցեով ) տեղի է ունենալու «Շելբի» ընկերության կողմից նախագծված ու արտադրված Կորոնավիրուսի դեմ պայքարի միջոցառումների շրջանակներում իրականացվող ախտահանիչ սարքի գործարկումը՝ քաղաքացիների անմիջական մասնակցությամբ : Սիրով հրավիրում ենք բոլոր նրանց , ում հետաքրքիր է , թե ինչպես է աշխատում սարքը , ինչ բաղադրություն ունի օգտագործվող ախտահանիչ նյութը և ինչ արդյունք է տալիս : Մայիսի 23-ին, ժամը 11:00-ին Հայելի ակումբի հյուրերն են փաստաբան Տիգրան Աթանեսյանը և Արցախի նախկին մարդու իրավունքների պաշտպան Ռուբեն Մելիքյանը: Թեմա՝ Հարձակում է տեղի ունեցել փաստաբան Տիգրան Աթանեսյանի բնակարանի վրա: 4 տղամարդիկ ներխուժել են բնակարան այն պահին, երբ փաստաբանը տանը չի եղել. բնակարանում են եղել կինն ու անչափահաս երեխաները: Կներկայացնեն դեպքի մանրամասները Մայիսի 22-ին՝ ժամը 12:00-ին, տեղի կունենա Կորոնավիրուսի տարածման հետևանքով մարզական աշխարհում ստեղծված իրավիճակի վերաբերյալ աշխատանքային քննարկում։ Քննարկման ուղիղ հեռարձակմանը կարող եք հետեւել ԱԺ պաշտոնական կայքի Լուրեր բաժնում։ Հարգելի գործընկերներ, այս պահին Հայացք մամուլի ակումբը հարգելի պատճառով գործում է Կորյունի 19 հասցեում՝ 8-րդ հարկ (ՀԱԿ նախկին շենք, Որարտու համալսարանի շենք): Հեռ.091 500992, 098 500448 Մայիսի 22-ին, ժամը` 12 00 «Հայացք» մամուլի ակումբի հյուրերն են ԵՊԲՀ Բժշկական հոգեբանության ամբիոնի վարիչ, «Ինթրա» հոգեկան առողջության կենտրոնի գլխավոր հոգեբան Խաչատուր Գասպարյանը և Հայկական հոգեբուժական ասոցիացիայի նախագահ, Համաշխարհային հոգեբուժական ասոցիացիայի պատվավոր անդամ Արմեն Սողոյանը: Թեման՝ Կորոն... Մայիսի 22-ին` ժամը 12:00-ին, Պոստ Սկրիպտում մամուլի ակումբի հյուրերն են` «Դեմոկրատական այլընտրանք» կուսակցության նախաձեռնող խմբի ղեկավար Սուրեն Սուրենյանցը, անդամներ Գրգորի Մկրտիչյանը, Լիլիթ Սիլանյանը եւ Հայկ Անդրեասյանը։ Թեմա`Արտակարգ դրություն՝ համաճարա՞կի, թե՞ ազատությունների դեմ Մայիսի 21-ին, ժամը 11:00-ին Հայելի ակումբի հյուրերն են՝ «Մեկ Առողջություն» կոալիցիայի համահիմնադիր, կոալիցիայի սոցիալական և պարենային անվտանգության հարցերով փորձագետ Մարիամ Բադալյանը և հոգեբան Տաթևիկ Նահապետյանը: Թեմա՝ Հայաստանում Լանզերոտեի կոնվենցիայի դրույտների իրականացման կասկածելի նպատակները և հնարավոր վտանգները Մայիսի 21-ին ժամը 12:00 Փաստարկ մամուլի ակումբի հյուրերն են ԿԱՄՔ հասարակական նախաձեռնության ներկայացուցիչ Վահագն Չախալյանը, Արթուր Ալեքսանյանի պաշտպաններ Էմին Բեգլարյանը և Կարեն Մեժլումյանը: ԹԵՄԱ՝ Լանզարոտի կոնվենցիայի հապշտապ վավերացման և բողոքի ակցիայի մասնակից Արթուր Ալեքսանյանի ապօրինի ձերբակալման փաստերը՝ իրավական և հասարակական-քաղաքական տեսանկյուններից: Ժամը 13:00՝ ,,Ադրբեջանահայերի ասամբլեա՛՛ ՀԿ նախագահ, ադրբեջանագետ Գրիգորի Այվազյանը: ԹԵՄԱ՝ Արցախի համապետական ընտրությունների, պաշտոնակ...