«Այդ հայտարարության պատճառով Փաշինյանը կորցրեց ռուսական ներդրումները». Լեոնիդ Կալաշնիկով
«Անցյալ տարվա ապրիլին Նիկոլ Փաշինյանը պատրաստվում էր դառնալ Հայաստանի վարչապետ: Այդ ժամանակ ես Երևանում էի»,- այս մասին «Կիրակի երեկոն Վլադիմիր Սոլովյովի հետ» հաղորդման ժամանակ հայտարարել է Ռուսաստանի Դաշնության Պետդումայի ԱՊՀ հարցերով, եվրասիական ինտեգրման հանձնաժողովի ղեկավար Լեոնիդ Կալաշնիկովը:
Կալաշնիկովը համեմատել է Հայաստանում և Ուկրաինայում տեղի ունեցած իրադարձությունները. «Ես ուզում եմ պարզ վերլուծություն անել: Երբ Նիկոլ Փաշինյանը դեռ վարչապետ չէր, նրան հանդիպեցի և ասացի՝ Նիկոլ, ի՞նչ նկատի ունես, երբ խոսում ես ԵԱՏՄ-ից դուրս գալու մասին: Հասկանո՞ւմ ես, որ դու պետք է դառնաս պետության ղեկավար և ստիպված ես լինելու պատասխանել այս հարցին»: