Փաշինյանը կատարած խոստումների մասին. որոնք են դրանք

ՀՀ վարչապետ Նիկոլ Փաշինյանը ֆեյսբուքում ՀՀ քաղաքացիների հարցերին պատասխանելուց առաջ անդրադարձավ ժամանակին իր տված խոստումներին՝ նկատելով, որ դրանց առյուծի բաժինը կատարվել է, մեծ մասը՝ 100 տոկոսով։

Անդրադառնալով ՀՀ-ում տնտեսական հարաբերություններին, մենաշնորհների վերացմանը՝ վարչապետը ասաց. «Այս խոստումը 100%-ով կատարվել է և այսօր Հայաստանում որևէ մեկը չի կարող ասել, որ ինքը ունի մենաշնորհ»:

Նա նշեց, որ ինքը խոստացել է, որ չի գալիս կադրային ջարդ անելու. «Այս խոստումը 100 տոկոսով լիարժեք կատարվել է։ Մենք կառավարման համակարգում մեկ միլիմետր անգամ չենք շեղվում դրանից։ Այսօր պետական կառավարման համակարգի 97 տոկոսը նույն մարդիկ են։ Սա շատ դեպքերում մեզ համար խնդիր է։ Մեզ դրա համար քննադատում են, բայց մենք համարում ենք, որ սա ճիշտ ճանապարհ է, որովհետեւ իսկապես մեր հեղափոխությունը սոցիալիստական մեծ հեղափոխությունը չի»։

Վարչապետը նշեց, որ 100 տոկոսով կատարվել են հետեւյալ խոստումները՝

Արտաքին քաղաքական ռեվերսներ չեն լինելու։

Մենք երաշխավորում ենք, որ Հայաստանը կմնա ՀԱՊԿ անդամ։

Քաղաքական հետապնդումներ չեն լինելու, քաղբանտարկյալներ չեն լինելու։

Մարտի 1-ի պատասխանատուները կանգնում են դատարանի առջեւ։

Նոր կառավարությունում օլիգարխներ չեն լինելու։

Ազատ թափանցիկ ընտրությունների անցկացում

Ընտրակաշառքի իսպառ բացառում,

Ազատվել քաղբանտարկյալների խարանից,

Երաշխավորել բիզնեսի ազատագրումը կոռուպցիոն կապանքներից։