Սամվել Բաբայանը մարտի 1-ի և Ռոբերտ Քոչարյանի մասին
Ես վստահ եմ, որ Մարտի 1-ին կրակելու հրամանը Ռոբերտ Քոչարյանից չի տվել։ Այս մասին այսօր՝ ապրիլի 19-ին, լրագրողների հետ զրույցում ասաց ԼՂՀ Պաշտպանության բանակի նախկին հրամանատար, գեներալ–լեյտենանտ Սամվել Բաբայանը։
«Ո՞վ է այդ հրամանը տվել, որ իր ժողովրդի վրա կրակեն, չի երևում, ապա հարց է առաջանում՝ ի՞նչ Մարտի 1-ից են խոսում: Ես հասարակ քաղաքացի եմ ուզում եմ հասկանալ: Մինչև դա չլինի, ես մնացածը համարում եմ ձևական»,- նշեց Սամվել Բաբայանը։
Սամվել Բաբայանը շեշտեց՝ Քոչարյանը իշխանությունը փոխանցելու փուլում էր. «Ընտրություն էր եղել այդ ժամանակ, Քոչարյանը իշխանությունը հանձնելու փուլում էր, 10 օր էլ անցել էր։ Քննություն է գնում, ես հո՞ չեմ ուղղորդում, ասեմ՝ գնացեք, սրան քննեք։ Որպես քաղաքացի ինձ հետաքրքրում է, թե ով է սպանել 10 հոգուն։ Քննչական խումբը հայտարարում է՝ էս մարդը գործ չունի, կապ չունի, բա որ կապ չունի, ինչու եք դատում, ասում են սահմանադրական կարգն է տապալել։ Գործը դատարaնում քննվում է, կբացահայտվի, կնայենք»։
Նա պնդում է, որ թե՛ Ռոբերտ Քոչարյանը, թե՛ Սերժ Սարգսյանը խոչընդոտել և չեն ցանկացել, որպեսզի Մարտի 1-ը բացահայտվի:
«Մարդիկ իրենց ղեկին նստած ինչո-որ քայլեր են արել, իրենք իրենց դատելո՞ւ էին»:
0038 հրամանի մասով նա նշեց, որ պաշտպանության նախարարն էր այս հրամանը իջեցրել. «0038 հրամանը պաշտպանության նախարարն էր պարտավոր հրաման գրել իջեցնել ներքեւ, եթե երկրում արտակարգ իրավիճակ էր հայտարարված»։