Ուսանողների քեֆը Աշտարակի ձորում ավարտվել է ծանր դանակահարությամբ (տեսանյութ)

Արագածոտնի մարզի ընդհանուր իրավասության դատարանում Սամվել Ուզունյանի նախագահությամբ ավարտվել է Սամվել Հ.-ի գործի դատական քննությունը:


Դեպքի պահին 21-ամյա Սամվել Հ.-ին մեղադրանք էր առաջադրվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Ըստ մեղադրանքի՝ երևանյան բուհերից մեկի առաջին կուրսում սովորող Սամվել Հ.-ն ուսումնական տարին ավարտելու կապակցությամբ համակուրսեցիների ու կուրսղեկի հետ 2016 թվականի հունիսի 4-ին ժամանցի նպատակով մեկնել է «Աշտարակի ձոր» կոչվող տարածք՝ «Արևիկ» հանգստյան գոտի:

 

Ժամը 19-ն անց 30-ի սահմաններում Սամվելը մոտեցել է «Մերսեդես» մեքենայում նստած համակուրսեցի Աշոտ Մ.-ին ու խնդրել է իջեցնել մեքենայում միացված երաժշտության ձայնը: Այս հարցի շուրջ տղաները վիճել են: Որոշել են վիճաբանությունն ու պարզաբանումը շարունակել այլ վայրում:

Սամվելն ու Աշոտը Վարդան Գ.-ի վարած «Մերսեդեսով» դուրս են եկել հանգստյան գոտուց, գնացել են Աշտարակի Սուրբ Սարգիս փողոցում գտնվող կամրջի մոտ:

Վիճաբանությունը շարունակվել է, վերաճել է քաշքշուկի ու փոխադարձ կռվի: Սամվելն ընկել է գետնին, գետնից վերցրել է սուր կտրող-ծակող գործիք և հարվածներ է հասցրել կռացած դիրքում գտնվող Աշոտին՝ նրա առողջությանը պատճառելով ծանր վնաս: Աշոտն ու Վարդանը մեքենայով հեռացել են: Աշոտը զանգել է ընկերներից մեկին, պայմանավորվել է հանդիպել Եղվարդում, որ ընկերն իրեն տանի հիվանդանոց: Ընկերը նրան տարել է հիվանդանոց, Աշոտին վիրահատել, կյանքը փրկել են:

Դատարանում Սամվել Հ.-ն առաջադրված մեղադրանքը չի ընդունել, նա իրեն մեղավոր է ճանաչել անհրաժեշտ պաշտպանության սահմանազանցումով տուժողի առողջությանը ծանր վնաս հասցնելու համար միայն:

Գործի դատական քննության ժամանակ Սամվելն ու Աշոտը արդեն երրորդ կուրսի ուսանողներ էին, իսկ դեպքի պահին նրանք ավարտել էին առաջին կուրսն ու կուրսով որոշել էին քեֆ անել Աշտարակի ձորում: Հավաքել էին 7000-ական դրամ, մթերք էին գնել:

 

2016 թվականի հունիսի 4-ի առավոտյան՝ ժամը 8-ի սահմաններում, Սամվելն ու նրա համակուրսեցիները կուրսղեկի հետ «Գազելով» ու ևս երեք մեքենայով մեկնել են «Աշտարակի ձոր»: Իրենց հանգիստն անց են կացրել «Արևիկ» հանգստի գոտում:

Սամվելը նշել է, որ իրենց հետ օղի էին տարել, խմել են, նաև օղու հետ «Ռեդբուլ» են խառնել-խմել, խորոված են արել, պարել են: Երաժշտությունը հնչում էր իրենց ընկերոջ «Մերսեդեսի» միջից: Եղել է մի պահ, որ երաժշտության բարձր ձայնն իրեն խանգարել է, ինքը մոտեցել է մեքենայի մեջ նստած տղաներին ու խնդրել է ցածրացնել երաժշտությունը:

Տղաները վիճել են իր հետ, մյուսներին չխանգարելու համար որոշել են խոսակցությունը շարունակել այլ տեղում: Նստել են «Մերսեդեսը», Վարդանը մեքենան վարել է դեպի ելքի դարպասները: Դուրս են եկել հանգստյան գոտուց, հասել են հին կամրջին:

Մեքենայի մեջ մթնոլորտը «բորբոքված էր»: Իջել են մեքենայից, մի քանի բառ են փոխանակել, քաշքշել են իրար, ինքը գլխի շրջանում հարված է զգացել: Աշոտն ու Վարդանը իրեն հարվածներ են հասցրել: Ինքն այդ հարվածներից ընկել է գետնին: Նրանք շարունակել են հարվածել: Ինքը գետնից վերցրել է ինչ-որ առարկա ու մեջքի վրա պառկած դիրքով, դեմքը փակած՝ որ դեմքը չվնասեն, ձեռքի առարկան թափահարել է: Հետո է հասկացել, որ այդ առարկան դանակ է: Ինքն այդ ամենն արել է ինքնապաշտպանության նպատակով:

Երբ ընկած տեղից վեր է կացել, տեսել է, որ Աշոտի վրա արյուն կա: Հարցրել է նրան՝ ինչո՞վ օգնեմ: Նա ասել է՝ պետք չի: Աշոտն ու Վարդանը նստել են մեքենա ու հեռացել են: Ինքը վերադարձել է հանգստի գոտի՝ ընկերների մոտ: Ասել է, թե Աշոտն ու Վարդանը գործ ունեին, գնացին:

Հետագայում մեղայականով ներկայացել է ոստիկանություն:

Սամվելը պնդել է, թե չի հիշում՝ ինչ են խոսել, որ վեճ է առաջացել: Ինքը խնդրել է երաժշտությունը ցածրացնել, իսկ թե հետո ինչ են խոսել, չի հիշում:

Սամվելը կատարվածի համար զղջացել է, ասել է, թե դեպքը պատահական է եղել, պահի ազդեցության տակ, Աշոտն ու Վարդանն իր ընկերներն են:

Տուժող Աշոտ Մ.-ն հայտնել է, թե դեպքի վայրում, երբ փոխադարձ կռվում էին, իր հեռախոսն ընկել է, ինքը կռացել է, որ վերցնի, ծակոց է զգացել: Աշոտը պնդել է, թե Սամվելին ընկած դիրքում չի հարվածել:

Ըստ Աշոտի՝ Սամվելը հանգիստ տղա է, կռվարար չէ…

Տուժողը հայտնել է, թե դանակով յոթ վնասվածք էր ստացել ՝ աջ թևի տակ, կրծքավանդակի աջ մասում… 14 օր գտնվել է հիվանդանոցում: Տուժողը քաղաքացիական հայցի պահանջ չի ներկայացրել:

Դատաբժշկական փորձաքննության եզրակացությամբ՝ տուժող Աշոտ Մ.-ն վնասվածքները ստանալիս կարող էր գտնվել կքանստած վիճակում: Սուր կտրող-ծակող գործիքը անկանոն թափահարելու հետևանքով տուժողը չէր ստանա այն վնասվածքները, որ ստացել է, դրանք նպատակաուղղված հարվածների արդյունք են:

Դատաբժշկական փորձաքննության եզրակացությամբ՝ տուժողը վնասվածքներ է ստացել պարանոցի, կրծքավանդակի աջ կեսի շրջաններում՝ ուղեկցված ստոծանու վնասումով և կրծքավանդակի ու որովայնի խոռոչներ թափանցումով:

Սամվել Հ.-ն մեղավոր է ճանաչվել տուժողի առողջությանը դիտավորյալ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով, և դատապարտվել է 3 տարի 6 ամիս ազատազրկման: Կիրառվել է Համաներման ակտի համապատասխան դրույթը, և Սամվել Հ.-ն ազատվել է սահմանված պատժի կրումից: 

դիտվել է 2138 անգամ
Լրահոս
Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն Պարզվել է 20-ամյա հղի կնոջ մահվան պատճառը. մեղադրանք է ներկայացվել 3 բժշկի Եվրո-2024-ն՝ առանց Հայաստան. վերլուծական Եղանակը կտաքանա Ադրբեջանի ՄԻՊ-ը հանդիպել է Ստեփանակերտում մնացած արցախցիների հետ Փաշինյանի ելույթն ադրբեջանական մամուլում լայքեր է հավաքում ՀՀ անվտանգության գլխավոր սպառնալիքը Փաշինյանն է, ոչ թե Արցախի պետական ինստիտուտները. Սաղաթելյան Հայաստանի մարդասիրական օգնությունը հասավ Գազա 300 հազար դոլար․ Հայաստանն օգնություն կտրամադրի Ճապոնիային Արարատի կոնյակի գործարանում վերահսկողություն կիրականացվի Հիմա մի անեկդոտ պատմեմ․ Նաիրի Հոխիկյան (video) Արա՛, դուք ո՞նց եք սրան հավատում․ հլը լսե՛ք՝ էս ճիվաղը Տավուշում ինչ է ասել․ Արշակ Զաքարյան (video) Անկախության բանակի փառապանծ էջերը հենց Տավուշում են գրվել․ Գագիկ Մինասյան (video) Ինչու՞ Հայաստանը մոսկովյան ահաբեկչության մասով ՀԱՊԿ հայտարարությանը չի միացել (video) ՔՊ-ականն ի՞նչ ռիսկով է այսպիսի հայտարարություն անում․ Նիկոլից վախեր չունի՞․․․ (video) Նիկո՛լ, ինձ կանչի քո մոտ, ապացուցեմ, որ մի գրամ բան չգիտես․ քաղաքացի (video) «Պոռնկության գինը»՝ 1 մլն. դրամ. Շաքարյանց (video) Ահազանգ կա․ մանկապարտեզներում խայտառակ վիճակ է․ հարցադրումներ նախարարին (video)
Ամենաընթերցվածները
Շուտով
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում https://cutt.ly/5wn8sJBS
Hayeli.am