Նիկոլի թիմի նոր ձեռքբերումը. 87% աճ պորճացման ոլորտում
Նիկոլի թիմի նոր ձեռքբերումը. 87% աճ պորճացման ոլորտում
Ներկայիս իշխանությունը դեռ ընդդիմադիր ժամանակ իրեն ներկայացնում էր որպես քաղաքակիրթ ուժ և մեղադրում էր գործող իշխանության ներկայացուցիչներին ոչ կոռեկտ պահելաձևի համար: Ցավոք, գալով իշխանության, Նիկոլն ու իր թիմը սկսեցին դավաճանել իրենց իսկ հայտարարած սկզբունքներին:
Այսօր՝ ԱԺ քառօրյա լսումների ընթացքում, «Իմ քայլը» դաշինքի պատգամավոր, քաղաքականության մեջ նոր-նոր իր քայլերն անող Մխիթար Հայրապետյանը ԱԺ ամբիոնից անվայել պահվածք դրսևորեց: Մարուքյանն ու Հայրապետյանը չկայացած երիտասարդներին բնորոշ լեքսիկոնով ինքնահաստատման խնդիրներ էին բավարարում ԱԺ նիստերի սրահում: Միջադեպին խառնվեց ԱԺ նախագահ Արարատ Միրզոյանը և խնդիրը կարգավորելու փոխարեն ավելի սրեց այն՝ քուչի մակարդակի պատասխան տալով Մարուքյանին:
Այստեղ զարմանալի ոչինչ չկա, քանի որ հենց «Իմ քայլի» ղեկավար Նիկոլ Փաշինյանը նույն ռազբորկային վայել ոճով գրեթե ամեն օր ելույթներ է ունենում, բանը նույնիսկ հասել է նրան, որ հասարակ քաղաքացիներին է վիավորում ու ստորացնում:
Նիկոլ Փաշինյանը երբեք չի փայլել պետական կառավարման գիտելիքներով, ժողովրդի մեծ մասն անտեսել է դա՝ մխիթարվելով, որ գոնե Փաշինյանը մարդկային, կիրթ արժանիքներ ունի, բայց ժամանակը ցույց է տալիս, որ նրա իրական դեմքը շատ հեռու է թավշյա հեքիաթներում պատմած հերոսի կերպարից:
Paradox Media ֆեյսբուքյան էջից