Ռոբերտ Քոչարյանն ընդդեմ Սիլվա Համբարձումյանի գործով դատարանը որոշում կայացրեց
Երեւան քաղաքի ընդհանուր իրավասության դատարանում՝ դատավոր Էդիկ Ավետիսյանի նախագահությամբ այսօր՝ ապրիլի 16–ին մեկնարկել է ՀՀ երկրորդ նախագահ Ռոբերտ Քոչարյանն ընդդեմ գործարար Սիլվա Համաբարձումյանի գործով առաջին դատական նիստը:
Գործարար Սիլվա Համբարձումյանն ու նրա ներկայացուցիչը չէր ներկայացել նիստին:
Երեւան քաղաքի ընդհանուր իրավասության դատարանի դատավոր Էդիկ Ավետիսյանը հայտարարեց, որ պատասխանողը պատշաճ ծանուցված չէ դատական նիստի օրվա և ժամի մասին: Ռոբերտ Քոչարյանի ներկայացուցիչ Արամ Օրբելյանը դատարանին տրամադրեց Համբարձումյանի հաշվառման վայրի երկու հասցեներ` նրան պատշաճ ծանուցելու համար: Դատարանը որոշում կայացրեց Համբարձումյանին պատշաճ ծանուցելու համար դատական նիստը հետաձգել և նշանակել սեպտեմբերի 26-ին: