Ինչպիսին են բանտային պայմանները,որտեղ պահվում է Ասանժը
Bloomberg պարբերականի փոխանցմամբ, Բելմարշ բանտը, որտեղ պահվում է այժմ WikiLeaks-ի հիմնադիրը, համարվում է բրիտանական խիստ հսկողության բանտերից մեկը,որը նաև նաեւ անվանում են բրիտանական Գուանտանամո։ Այդ բանտում պահվել են սերիական մարդասպաններ, ահաբեկիչներ, առավել ծանր հանցագործություններ կատարածներ։ Այժմ էլ Բելմարշում ինչպես ցածր ռեցիդիվային ռիսկ ունեցող հանցագործներ են պահվում, այնպես էլ խիստ ռիսկայիններ, որոնք նաեւ հանրության ուշադրության կենտրոնում են։
Բելմարշի կալանավորները բանտախցից դուրս շատ քիչ ժամանակ են անցկացնում՝ շաբաթական երկու ժամ։ Ասանժի վրա, ամենայն հավանականությամբ տարածվում է այդ ռեժիմը։ Նա չունի իրավունք այցելելու բանտային մարզասրահ կամ գրադարան։ Պարբերականի հրապարակումը, սակայն չի հաստատվել կամ հերքվել ոչ Ասանժի փաստաբանների, ոչ էլ բրիտանական արդարադատության գերտեսչության կողմից։