Երբ բռնեցինք նրանց, գիտեք, թե ինչ կլինի նրանց հետ. Փաշինյանը՝ Ստրասբուրգում հայ համայնքին
Հայաստանում ամեն ինչ ընդհանուր առմամբ ընթանում է այնպես, ինչպես պետք է ընթանար, ինչպես ես պատկերացնում եմ: Ստրասբուրգում հայ համայնքի հետ հանդիպման ժամանակ հայտարարել է Նիկոլ Փաշինյանը:
«Մի տարի է անընդհատ ասում են՝ վայ տնտեսական վիճակը, վայ տնտեսական ռազմավարությունը, գաղափարախոսությունը: Մեր տնտեսական գաղափարախոսությունը շատ պարզ է: Մենք ասում ենք, որ նույն բանաձևը, որը դրել ենք քաղաքական հեղափոխության հիմքում, դնում ենք նաև տնտեսական հեղափոխության հիմքում՝ քաջալերել անհատական ջանքը, օգնել մարդուն, որ ինքն իր ուժերին հավատա, քաջալերել ժողովրդի տաղանդը: Մենք օրինակ գյուղատնտեսության ոլորտում 11 ծրագիր ենք իրականացրել, որոնց մեծ մասն աննախադեպ են: Հայաստանում որևէ մեկը չի կարող ասել, թե ուզում է գործ անել, բայց թույլ չեն տալիս: Բացառվում է այդպիսի բան: Ես չեմ բացառում, որ այդպիսի դեպքեր կլինեն, սակայն դրանք մեզանից թաքուն պետք է լինեն, երբ բռնեցինք այդպես վարվողներին, նրանց հետ գիտեք, թե ինչ կլինի»:
Հետևեք մեզ Viber-ում
