Ինչո՞ւ է ստում Հատուկ քննչական ծառայությունը

Երեկ ՀՀ երկրորդ նախագահ Ռոբերտ Քոչարյանի նկատմամբ ընտրված կալանավորման որոշումը բողոքարկելու վերաբերյալ դատական նիստի ավարտից հետո, պատասխանելով լրագրողների հարցերին, վերջինիս փաստաբանական թիմի անդամ Հայկ Ալումյանը մասնավորապես ասաց, որ այս պահի դրությամբ 2-րդ նախագահին չի կարող տեսակցել տղաներից մեկը՝ Սեդրակ Քոչարյանը, և փոքր երեխան՝ թոռնիկը։ Մնացած հարազատները կարողանում են տեսակցել։

Այս խնդրի առնչությամբ 168 ժամը  երեկ երեկոյան զրուցեց Հայկ Ալումյանի հետ, ով կրկին վերահաստատեց, որ «2019թ. ապրիլի 3-ին Ռոբերտ Քոչարյանի մանկահասակ թոռնիկին թույլ չեն տվել Քրեակատարողական հիմնարկում տեսակցել պապիկի հետ, և մինչ օրս թույլ չեն տվել, և դա փաստ է, որը կարող են հանգամանորեն ստուգել։ Այդ օրը նրանք գնացել են, սակայն թույլ չեն տվել տեսակցությունը»:

Մենք կապ հաստատեցինք նաև Հատուկ քննչական ծառայության (ՀՔԾ) հետ, որտեղից մեզ պատասխանեցին, թե «Նման բան չկա, տեսակցությունը թույլատրված է։ Թոռնիկին տեսակցելու համար դիմել են, և թույլատրել ենք»:

Սա նշանակում էր, որ այդ դեպքում ուրեմն քրեակատարողական հիմնարկը չի թույլատրել երեխայի մուտքը հիմնարկ, սակայն երեկ` ուշ երեկոյան, Քրեակատարողական հիմնարկից մեզ տեղեկացրին, որ երեխան մուտքի թույլտվություն չի ունեցել. բոլոր այն անձինք, ում անունները եղել են Ռոբերտ Քոչարյանին տեսակցելու թույլտվություն ունեցող անձանց ցանկում, տեսակցել են ՀՀ 2-րդ նախագահին: Երեխան տեսակցելու թույլտվություն չի ունեցել:


Երեկ սակայն, armtimes.com կայքը «Ռոբերտ Քոչարյանը տեսակցել է իր 2.5 տարեկան թոռնիկի հետ. Մարտի 1-ի գործով քննչական խմբի ղեկավարը հակադարձում է պաշտպանին» վերնագրով հարցազրույց հրապարակեց Մարտի 1-ի գործով քննչական խմբի ղեկավար Հրաչ Մուշեղյանի հետ, ով հերքել էր Քոչարյանի պաշտպան Արամ Օրեբլյանի երեկ արած այն հայտարարությունը, թե վարույթն իրականացնող մարմինը արգելել է Քոչարյանին տեսակցել թոռնիկի հետ:

««Չգիտեմ՝ ինչից է վերցրել Արամ Օրբելյանը, որ նման ստահոդ հայտարարություն է կատարել: Ռոբերտ Քոչարյանին կալանքի տակ վերցնելուց հետո որոշում է կայացվել արգելել տեսակցությունն ու հեռախոսազանգերը մերձավոր ազգականների, ԶԼՄ ներկայացուցիչների, այլ անձանց հետ, ինչպես նաև կապն ընտանիքի ու արտաքին աշխարհի հետ: Դա կապված էր սույն քրեական գործի լրիվության, օբյեկտիվության և բազմակողմանիության հետ՝ նկատի ունենալով, որ տվյալ տեսակցությունները կարող են բացասաբար անդրադառնալ քրեական գործի քննության վրա և քննության շահերից ելնելով՝ նման որոշում էր կայացվել:

Արամ Օրբելյանն ասում էր՝ Մարդու իրավունքների պաշտպանի օգնությամբ, որը նույնպես իրականությանը չի համապատասխանում այն մասով, որ ուղղակիորեն դիմել են վարույթն իրականացնող մարմնին և վարույթն իրականացնող մարմինը թույլ է տվել»,- ասաց Հրաչ Մուշեղյանը՝ հավելելով, որ դատական նիստի ընթացքում պաշտպան Հովհաննես Խուդոյանը միջնորդություն է ներկայացրել և հաջորդ օրը իր կողմից որոշում է կայացվել և տեսակցությունների արգլեքն այդ մասով վերացվել է. «Երեխային թույլատրվել է տեսակցել Ռոբերտ Քոչարյանի հետ»,- հավելեց քննչական խմբի ղեկավարը»:

Սա հատված էր armtimes.com կայքի հրապարակած հոդվածից, որում ակնհայտ է հոդվածի վերնագրի հետ բովանդակային հակասությունը, քանի որ «Երեխային թույլատրվել է տեսակցել Ռոբերտ Քոչարյանի հետ»-ը բոլորովին էլ չի նշանակում, որ երեխան արդեն տեսակցել է պապիկին:

Այսօր առավոտյան սակայն, ՀՀ երկրորդ նախագահի ոչ պաշտոնական ֆեյսբուքյան էջը դիմել էր Քոչարյանների ընտանիքին։ Սեդրակ Քոչարյանի կինը՝ Զարուհի Քոչարյանը, նրանց հետ զրույցում տարակուսանք էր հայտնել Մուշեղյանի հայտարարության կապակցությամբ։ «Ինքս ներկա եմ եղել այդ պահին, երբ արգելվեց երեխայի մուտքը այն պատճառաբանությամբ, որ չկա քննիչի համապատասխան թույլտվությունը։ Ստիպված եղա որդուս տուն ուղարկել և տեսակցության մտնել առանց նրա»,- պատմել էր Զարուհի Քոչարյանը։

Ցավալի է, բայց կարծես թե երկրի նախաքաննական կարևորագույն մարմիններից մեկը սուտը դարձրել է գործելաոճ:

Թեպետ եթե ՀՔԾ պետը ի լուր աշխարհի հայտարարում է, թե բացահայտված է Մարտի 1-ի զոհերից Տիգրան Աբգարյանի սպանությունը, հայտնի է կատարողը, մասնավորապես` «2008 թ. մարտի 1-ին սպանված Տիգրան Աբգարյանի մահվան հանգամանքներն առավել քան մշուշոտ են, և այսօր իրենք կարող են հայտարարել, որ վերջինս սպանվել է հատուկջոկատայինների կողմից, ինչը փաստող հստակ ապացույցներ գոյություն ունեն», ու մինչ այսօր` հայտարարությունից 7 ամիս անց, հայտնի չէ սպանություն կատարողի անունը, արդեն հասկանում ես, որ այս կառույցից դժվար է հավաստի ինֆորմացիա իմանալ:

Չենք ուզում հավատալ, թե երեխային պապիկի մոտ չթողնելը ՀՀ 2-րդ նախագահի հանդեպ վրեժի դրսևորման ևս մեկ տարբերակ է, որովհետև չենք ուզում հավատալ, որ այդ գործում ՀՔԾ-ն կարող էր երեխային օգտագործել, միգուցե ընդամենը թերացման հետևանք է, սակայն անհասկանալի է, թե ինչու են դա էլ փորձում բարդել այլ գերատեսչությունների վրա:

դիտվել է 1031 անգամ
Լրահոս
Փաշինյանի ելույթն ադրբեջանական մամուլում լայքեր է հավաքում ՀՀ անվտանգության գլխավոր սպառնալիքը Փաշինյանն է, ոչ թե Արցախի պետական ինստիտուտները. Սաղաթելյան Հայաստանի մարդասիրական օգնությունը հասավ Գազա 300 հազար դոլար․ Հայաստանն օգնություն կտրամադրի Ճապոնիային Արարատի կոնյակի գործարանում վերահսկողություն կիրականացվի Հիմա մի անեկդոտ պատմեմ․ Նաիրի Հոխիկյան (video) Արա՛, դուք ո՞նց եք սրան հավատում․ հլը լսե՛ք՝ էս ճիվաղը Տավուշում ինչ է ասել․ Արշակ Զաքարյան (video) Անկախության բանակի փառապանծ էջերը հենց Տավուշում են գրվել․ Գագիկ Մինասյան (video) Ինչու՞ Հայաստանը մոսկովյան ահաբեկչության մասով ՀԱՊԿ հայտարարությանը չի միացել (video) ՔՊ-ականն ի՞նչ ռիսկով է այսպիսի հայտարարություն անում․ Նիկոլից վախեր չունի՞․․․ (video) Նիկո՛լ, ինձ կանչի քո մոտ, ապացուցեմ, որ մի գրամ բան չգիտես․ քաղաքացի (video) «Պոռնկության գինը»՝ 1 մլն. դրամ. Շաքարյանց (video) Ահազանգ կա․ մանկապարտեզներում խայտառակ վիճակ է․ հարցադրումներ նախարարին (video) Էդ սատանայական ընտանիքը մեր ողջ ազգն է վերացնում. քաղաքացի (video) Էս կառավարությունը բոլորը մարդ են` ավանակի գլխով․ հարցում (video) Բոլոր ծրագրերը պետք է սպասարկեն Արցախ մեր հավաքական, անվտանգ ու արժանապատիվ վերադարձի տեսլականին Լևոն Շիրինյանը Ոսկեպարում «հիստերիա է» բարձրացրել (video) Նիկոլի խոստացած պատերազմը մոտ է․ Նաիրի Հոխիկյան (video) Պապա ջան, ես քեզ միշտ կկարոտեմ, կհանդիպենք մյուս կյանքում. Արթուր Աբրահամ Այսօր էլ ՀՀ ինքնիշխան տարածքից շուրջ 208 քառակուսի կիլոմետրը գտնվում է ադրբեջանական օկուպացիայի ներքո. Անի Բադալյան Փաշինյանը սկսել է իրեն ու Չեմբեռլենին արդարացնելու գործընթաց Այս իշխանությունը մի բան է միայն լավ անում. Աբրահամյան
Ամենաընթերցվածները
Շուտով
Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 13։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը
Հետևեք մեզ Viber-ում https://cutt.ly/5wn8sJBS
Hayeli.am