Ոչ ոք հեշտությամբ չի հանձնվում. գլխավոր դատախազ
ՀՀ երրորդ նախագահ Սերժ Սարգսյանի եղբորորդու՝ Նարեկ Սարգսյանի արտահանձնման գործընթացն ընթացքի մեջ է, հայկական կողմն ուղարկել է անհրաժեշտ փաստաթղթերը եւ սպասում է պատասխանի։
Այս մասին այսօր՝ մարտի 29–ին, խորհրդարանում լրագրողների հետ ճեպազրույցում հայտարարեց ՀՀ գլխավոր դատախազ Արթուր Դավթյանը:
Ինչպես նշեց արտահանձնման հարցը տարբեր նրբություններ ունի. «Տվյալ երկրի իրավասու մարմինը պետք է որոշում կայացնի, հետո այդ որոշումն անձը նույն ատյաններով բողոքարկելու հնարավորություն ունենա»,–ասաց նա։
Գլխավոր դատախազի խոսքով՝ այլ երկրների կողմից հետախուզվողներին հայտանաբերելու եւ Հայաստանից արտահանձնելու դեպքեր են լինում, որ մինչեւ 1 տարի են տեւում։
«Որպես կանոն, ոչ ոք այդպես հեշտությամբ չի հանձնվում»,–ասաց գլխավոր դատախազը։