Ավինյանը բում է խոստանում
ՀՀ կառավարություն իր այսօրվա՝ մարտի 29-ի նիստում որոշեց լուծարել «Հայաստանի ավտոմոբիլային ճանապարհների տնօրինություն» ՊՈԱԿ-ը:
ՀՀ Տրանսպորտի, կապի եւ ՏՏ նախարար Հակոբ Արշակյանը տեղեկացրեց, որ այդ ՊՈԱԿ-ի գործառույթները պետք է իրականացվեն նախարարության միջոցով, և որ այս որոշումը թույլ կտա որոշակի միջոցներ տնտեսել՝ ՊՈԱԿ-ի պահպանման ծախսերի մասով: Կազմակերպությունը լուծարվելու դեպքում պետական բյուջեում կտնտեսվի Կազմակերպության վարչակազմի պահպանման համար տրամադրվող գումարը՝ 37.57 մլն դրամ:
Հակոբ Արշակյանը տեղեկացրեց նաև, որ այդ աշխատանքների համար նախարարությունն ունի հզոր լաբորատորիա, որը համալրվել է նոր ժամանակակից սարքավորումներով, որից հետո փոխվարչապետ Տիգրան Ավինյանը նշեց. «Ճանապարհաշինության ոլորտում մենք այնպիսի բում պետք է գրանցենք, որ նախարարության այդ լաբորատորիան պետպատվերից բացի ժամանակ չունենա որեւէ այլ բանի վրա ժամանակ ծախսելու»: