Մանվել Գրիգորյանի վիճակը ծայրահեղ ծանր է.անգամ Հայաստանի էլիտար հիվանդանոցներում նրան կարող են միայն ցավազրկողներով պահել. Լևոն Բաղդասարյան (video)
«Մանվել Գրիգորյանի քրեական գործով ավարտվել է նախաքննությունը և գործը մոտ ապագայում կգնա դատարան»,- hayeli.am-ի հետ զրույցում ասաց Մանվել Գրիգորյանի փաստաբան Լևոն Բաղդասարյանը`նշելով, որ ընտրովի արդարադատության պատճառով Մանվել Գրիգորյանի առողջության ու կալանքի հետ կապված դիմել են ՄԻԵԴ: «Եվրոպական դատարանից անմիջապես արձագանքեցին և մեզանից պահանջեցին հետևյալ փաստաթղթերը՝ առաջինը, որ Գրիգորյանը գտնվում է կալանքի տակ, երկրորդը՝ տառապում է հիվանդություններով, որոնց մասին մենք բարձրաձայնել ենք և երրորդը՝ գրանցվել է առողջության բացասական դինամիկա»: Մեր հարցին՝ թե ավելի կոնկրետ ինչ հիվանդություններով է տառապում Մանվել Գրիգորյանը, փաստաբանը պատասխանեց. «Մանվել Գրիգորյանն այսօր օրական ստանում է 100 միավոր ինսուլին: Միջազգային իրավանորմով 60 և ավելը նշանակում է, որ անձի կյանքին վտանգ է սպառնում: Ինչպես նաև թոքի քաղցկեղի հիվանդությունում էլ նկատվում է բացասական դինամիկա»: Լևոն Բաղդասրյանի պնդմամբ՝ Մանվել Գրիգորյանին Հայաստանի անգամ էլիտար հիվանդանոցներում կարող են միայն ցավազրկողներով պահել, բուժման նպատակով նրան պետք է Հայաստանից դուրս հանել: Առավել մանրամասն՝ տեսանյութում.