«Լրտեսներն այստեղ վխտում են, իսկ մեր ԱԱԾ-ն զբաղված է լակոտ-լուկուտներին ձերբակալելով». Վովա Վարդանով
Հետախուզադիվերսիոն ջոկատի հրամանատար Վովա Վարդանովը դատապարտում է ԱԱԾ-ի գործողություններ՝ նշելով, որ ԱԱԾ-ն զբաղված է լակոտ-լուկուտներին ձերբակալելով. «Հիմա մանր կենդանիները հոշոտում են մեծ հզոր կերպարի, որը բացասական է, ես չեմ ուզում իրեն հոշոտել, որովհետև երբ ես միայնակ նրա դեմ պայքարում էի՝ փոքր լինելով, ոչ ոք չմիացավ։ Այնպես որ, առանց ինձ յոլա գնացեք՝ Մանվել Գրիգորյանին քրքրելու գործում։ Իսկ լրտեսների վերաբերյալ, գիտե՞ք ինչ կա՝ նման ռեգիոններում չի կարող լրտեսներով չվխտալ երկիրը։ Լսե՞լ եք՝ երբևէ ամերիկյան, ֆրանսիական կամ ռուսական լրտես ձերբակալեն, հիմնականում լսում ենք, որ «Օդնոկլասսնիկիով» մի անգրագետ, ներկայանալով որպես գեղեցիկ տիկին, մի անգրագետ ենթասպայի է վերբովկա արել։ Ո՞ւր են լուրջ բացահայտումները լրտեսական ցանցերի։ Քո հետախուզական ակտիվության լավագույն ցուցանիշը ձերբակալված լրտեսներն են, այլ կերպ չի լինում։ Ո՞ւր են մեր ձերբակալված հետախույզները Բաքվում, չկան։ Դրանք այնպիսի հարցեր են, որոնք անպայման հանրայնացնում են»։ Նա այն կարծիքին է, որ պետք է ԵԿՄ-ն ծառայեցնել ի նպաստ երկրի շահերի: «Մանվել Գրիգորյանը ոչ հաճելի կերպար է, դա միշտ եմ ասել, բայց իրեն չեզոքացնելու համար՝ այնպես չստացվի, որ երկրի համար անհրաժեշտ կառույց, որը հիվանդ է, չար սխեմա է ղեկավարում, կազմալուծվի։ Եթե կառույցը հիվանդ է, դա չի նշանակում, որ այն բուժելով՝ հնարավոր չէ ծառայեցնել մեր երկրին: Եթե ես բիզնեսով զբաղվեի, ու ԵԿՄ-ն բիզնես լիներ, իրենք կլինեին իմ մրցակիցները, ես ղեկավարում եմ «Ողջ մնալու արվեստ» կազմակերպությունը, և մենք մշտական ռազմական և ուսումնամարզական հավաքներ ենք անցկացնում հիմնականում Քարվաճառում և Տավուշում։ Բայց քանի որ մենք զբաղված ենք ընդհանուր գործով, ես միշտ քննադատել եմ ԵԿՄ-ին ու իր ղեկավարությանը»,- ասաց նա:
Հետևեք մեզ Viber-ում
