1996 թվականի նախագահական ընտրություններից հետո սեպտեմբերի 26-ի հայտնի դեպքերը շատերն են հիշում, ինչպես և Արշալույս գյուղում Մանվել Գրիգորյանի տանը կազմակերպված խնջույքի տեսաերիզը, որտեղ Լևոն Տեր-Պետրոսյանի ուժային կառույցները ղեկավարող մերձավոր շրջապատը՝ Վազգեն Սարգսյանի և Վանո Սիրադեղյանի գլխավորությամբ, տոնում էին 1996 թվականին ժողովրդի կամքը ճնշելով իշխանությունը պահելու հաղթանակը։ Այդտեղ պաշտպանության նախարար Վազգեն Սարգսյանը Մանվել Գրիգորյանին զենք է նվիրում և ասում, որ նա Անդրանիկ զորավարից պակաս չի։ Պատերազմն արդեն ավարտված էր։ Իրականում, այդպես էր կարծում միայն ժողովուրդը, իսկ իշխանական վերնախավի համար այն փաստորեն շարունակվում էր, բայց արդեն սեփական ժողովրդի դեմ։ Ու այս նոր պատերազմի հերոսներին պաշտպանության նախարարը համեմատում էր Անդրանիկ զորավարի հետ։
1998 թվականին նախագահական արտահերթ ընտրությունների քարոզարշավի ժամանակ Ռոբերտ Քոչարյանի օգտին քարոզչություն իրականացնող Վազգեն Սարգսյանը Էջմիածնում հայտարարել էր՝ «Որ Մանվելը կռվում էր, դուք ձեր տներում էիք, չէ՞…է, թող մի շուկա, մի խանութ էլ ավել ունենա, ի՞նչ է եղել, որ…»… Սա պետական դիրքորոշում էր։ Էջմիածինը Ղարաբաղյան պատերազմում տվել էր չորս գեներալ՝ Մանվել Գրիգորյան, Սեյրան Սարոյան, Գագիկ Մելքոնյան, Լյովա Երանոսյան։ Հեղափոխական իշխանությունը գեներալական կոչումներ էր շնորհում գյուղացի հասարակ տղաների, որոնք չէին փայլում ոչ կրթությամբ, ոչ բարոյական վարքով, բայց դրսևորում էին ֆիդայական խմբապետերին բնորոշ կազմակերպական ունակություններ և ընկալվում էին որպես կոշտ, վախ ներշնչող մարդիկ։ Այդ շրջանում Վազգեն Սարգսյանը հատկապես կարևորում էր նշված հատկանիշը, քանի որ խնդիրներ կային զորակոչերի և բանակից դասալքության հաճախակի դեպքերի հետ։ Այդպես, ԿԱՄԱԶ-ի վարորդ, ժամանակ առ ժամանակ ծիծակի առևտրով զբաղվող Մանվել Գրիգորյանին, ով երկու անգամ դատապարտվել էր քրեական հանցագործությունների համար, 1992 թվականին նշանակեցին առանձին մոտոհրաձգային գումարտակի հրամանատար: 1996 թվականին ՀՀ նախագահ Լևոն Տեր֊Պետրոսյանի հրամանագրով Մանվել Գրիգորյանին շնորհվում է գեներալ-մայորի կոչում: Լևոնը Մանվելին միշտ համարել է Վազգենի ամենահավատարիմ զինակիցը։ Իսկ Վազգեն Սարգսյանին գնահատել է «Դուք բոլորդ նրա ճկույթը չարժեք» հայտնի արտահայտությամբ։ 2008 թվականին նա նախագահական ընտրարշավին մասնակցում էր ավազակապետությունը քանդելու կարգախոսով, որի ենթատեքստում ոչ թե իր իսկ ստեղծած պետական համակարգի կազմաքանդումն էր, այլ հոկտեմբերի 27-ի գործի բացահայտումը, որ նրա շուրջ էր հավաքել եղերական ոճրագործության զոհերի իրավահաջորդներին, կողմնակիցներին, ընկերներին, հարազատներին։ Լևոն Տեր-Պետրոսյանը այդ շարքում տեսնում էր և Մանվել Գրիգորյանին, Վազգենի մյուս ընկերներին։ Բայց նա սխալվեց։ Գուցե այդ սխալը մասամբ հետևանք էր անընկալունակության, որ ժողովրդի ատելությունը իրենց նկատմամբ բնական, տրամաբանական արձագանքն է հենց Մանվելների, Երանոսյան Լյովաների նկատմամբ ամենաթողության վերաբերմունքի։ Տարիներ են անցել։ Յուրաքանչյուրը պետք է գիտակցի իր պատասխանատվությունը ներկայի ու ապագայի համար։
online.banber.tv
Ապրիլի 10-ին՝ ժամը 13։00-ին, Հայելի ակումբի հյուրն է Դավիթ Ջամալյանը
Ապրիլի 10-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Ապրիլի 10-ին՝ ժամը 14։00-ին, Հայելի ակումբի հյուրն է Խաչիկ Մանուկյանը
Ապրիլի 10-ին՝ ժամը 11։00-ին, Հայելի ակումբի հյուրն է Հայկ Նահապետյանը
Ապրիլի 9-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Ապրիլի 9-ին՝ ժամը 12։30-ին, Հայելի ակումբի հյուրն է ազատամարտիկ Դավիթ Մկրտչյանը
Ապրիլի 9-ին՝ ժամը 14։00-ին, Հայելի ակումբի հյուրն է Նարինե Դիլբարյանը
Ապրիլի 9-ին՝ ժամը 11։00-ին, Հայելի ակումբի հյուրն է Էդգար Էլբակյանը
Ապրիլի 8-ին՝ ժամը 15։00-ին, Հայելի ակումբի հյուրն է Էդիկ Անդրեասյանը
Ապրիլի 8-ին՝ ժամը 16։00-ին, Հայելի ակումբի հյուրն է Ժասմինա Ղևոնդյանը
Հետևեք մեզ Viber-ում
