Ամատունի Վիրաբյանին հեռացրեցին պաշտոնից
Մեր ունեցած տեղեկություններով պաշտոնից ազատվել է Ազգային արխիվի տնօրեն Ամատունի Վիրաբյանը: Նշենք,որ պատմաբան, պատմական գիտությունների դոկտոր Ամատունի Վիրաբյանը Հայաստանի ազգային արխիվի տնօրենն է 2003 թվականի ապրիլի 7-ից:1977-1980 թվականներին եղել է Կիրովականի սարքաշինական տեխնիկումի ԼԿԵՄ կոմիտեի քարտուղար, 1980-1991 թվականներին՝ ՀԿԿ Կենտկոմի կուսակցության պատմության ինստիտուտի կուսակցական արխիվում ավագ գիտական աշխատող, 1991-2001 թվականներին՝ Հայաստանի հանրապետության հասարակական-քաղաքական կազմակերպությունների փաստաթղթերի կենտրոնական պետական արխիվի տնօրենի տեղակալ։ 2001 թվականի հուլիսի 16-ին նշանակվել է ՀՀ կառավարությանն առընթեր արխիվային գործի վարչության պետ, 2002 թվականի սեպտեմբերի 25-ին՝ արխիվային գործի գործակալության պետ։ Կապ հաստատեցինք պարոն Վիրաբյանի հետ՝ճշտելու լուրի իսկությունը:Նա մեզ տեղեկացրեց ,որ տարածքային կառավարման և զարգացման նախարար Սուրեն Պապիկյանը հրավիրել է իր մոտ և հորդորել ազատման դիմում գրել: Ամատունի Վիրաբյանը մանարամասներց,որ նա արդեն գրել է իր ազատման դիմումը:
Հետևեք մեզ Viber-ում
