ՀԱԿ-ը կմասնակցի՞ արտահերթ ընտրություններին

ՀԱԿ փոխնախագահ Արամ Մանուկյանը՝ խոսելով արտահերթ ընտրություններին իրենց մասնակցել-չմասնակցելու մասին,ասաց. «Դուք կարո՞ղ եք ինձ հարգել, եթե հանկարծ մենք չմասնակցենք ընտրություններին, ո՞նց կարող է նման բան լինել:Մենք մասնակցելու ենք ընտրություններին»: «Ես բաց ճակատով ասում եմ՝ մենք ամենաքաղաքական ուժն ենք, ամենածրագրային, ամենաինտելեկտուալ, ամենալավ թիմն ունեցող քաղաքական ուժն ենք։ Առանց ՀԱԿ-ի՝ ես չեմ կարող պատկերացնել առաջիկա խորհրդարանը։ ՀԱԿ-ը պարտադիր պետք է լինի խորհրդարանում:Չեմ  կարող ասել՝ ընդդիմությո՞ւն, թե՞ իշխանություն են լինելու, բայց վստահ եմ՝մենք այն ուժն ենք, որ կարող է սթափության բերել ցանկացած ուժի»։