Ռուս գործարարի որդին ծեծել է ֆոտոմոդելին
Մոսկվայի էլիտար շենքերից մեկում ռոմանտիկ ընթրիքն ավարտվել է 22-ամյա ֆոտոմոդել Աննա Լիսովսկայայի ծեծով: Այս մասին հայտնում է «Комсомольская правда»-ն: Մոդելը տեղափոխվել է հիվանդանոց՝ քթի կոտրվածքով: Աղջկա խոսքով՝ նրան ծեծել է 21-ամյա Ալեքսանդր Շ.-ն՝ մի քանի տրանսպորտային ընկերությունների տիրոջ, ռուս գործարարի որդին: Գործարարը նախկինում ապրել է Մոնակոյում: «Այդ երիտասարդի հետ մենք նախկինում հանդիպել ենք: Այնուհետև մենք բաժանվել ենք այն պատճառով, որ նա թմրամոլ է եղել: Դա ինձ դուր չէր գալիս: Նա ինձ առաջարկեց հունվարի 7-ին հանդիպել նրա տանը և ընթրել: Նա եկավ իմ հետևից, հետո ընթրեցինք: Սկզբում ամեն ինչ լավ էր, սակայն հետո նա հանկարծակիորեն դարձավ ագրեսիվ և սկսեց ինձ ծեծել: Ես փորձեցի դուրս գալ տնից, սակայն նա ինձ խորդանոցում փակեց»,- պատմել է մոդելը: Նրա խոսքով՝ իր բղավոցներին և օգնության կանչերին շենքի անվտանգության աշխատակիցները չեն արձագանքել:
Հետևեք մեզ Viber-ում
