ՀՀԿ-ում ևս դժգոհություններ կան

«Հրապարակ» թերթը գրում է. «ՀՀԿ-ում ԸՕ նախագծի հետ կապված ևս դժգոհություններ կան, որոնք արտահայտվել են անցած շաբաթ խմբակցությունում տեղի ունեցած քննարկման ժամանակ։ Ամենախնդրահարույցը ռեյտինգային քվեարկության հետ է կապված։ Ռեյտինգայինի հավակնորդներն առաջարկել են տեսախցիկներ տեղադրել քվեների հաշվարկի ընթացքում, որպեսզի թեկնածուներն ուղիղ հետևեն հաշվարկին և արձանագրեն իրենց ձայները, ինչը դժվար թե հավանության արժանանա։ Խնդիրն այն է, որ կուսակցության վստահված անձը կամ հանձնաժողովի ՀՀԿ-ական անդամը կարող է անուշադրության մատնել, թե քվեաթերթիկի հետևում որ թեկնածուի օգտին է ձայն տվել ընտրողը։ Կարևորվելու են կուսակցությանը տրված ձայները։ Իսկ կուսակցությունները տեղամասերում միայն 1 վստահված անձ են ունենալու։ Ցուցակում 5-23 թեկնածու է լինելու, հետևաբար, վերահսկողության հարցը լուրջ է»։   Մանրամասները՝ թերթի այսօրվա համարում։