Կիմ Չեն Ինը և Քիմ Քարդաշյանը՝ ամենաազդեցիկ միլենիալների ցուցակում

Աշխարհի ամենաազդեցիկ միլենիալների (20-35 տարեկան երիտասարդներ) ցուցակը, որը կազմել է բրիտանական The Guardian պարբերականը, գլխավորել է Հյուսիսային Կորեայի 33-ամյա առաջնորդ Կիմ Չեն Ինը: Թոփ-ցուցակը թերթն իր կայքում հրապարակել է այսօր: Ցուցակի երկրորդ և երրորդ տեղերը զբաղեցրել են Facebook-ի 31-ամյա հիմնադիր Մարկ Ցուկերբերգը և 22-ամյա երգիչ Ջասթին Բիբերը: Ցուցակում ընդգրկվել են նաև՝ Սաուդյան Արաբիայի 30-ամյա պաշտպանության նախարար Մուհամմադ բեն Սալմանը, 34-ամյա երգչուհի Բեյոնսեն, 35-ամյա Քիմ Քարդաշյանը, 29-ամյա երգչուհի Լեդի Գագան: Ցուցակին կից տեքստում նշվում է, որ թոփ-ցանկում ներառվել են «միլենիալներ, որոնք զգալիորեն փոխել են աշխարհի պատկերը՝ այնտեղ իրենց հըարաբերականորեն կարճաժամկետ գոյության ընթացքում»: Միլենիալների սերունդը մարդիկ են, որոնք XXI դար են մտել արդեն գիտակից, բայց դեռ երիտասարդ տարիքում: