Ցնցող խոստում

ԱԺ պատգամավոր, Ռոբերտ Քոչարյանի կառավարման տարիներին արտգործնախարար աշխատած Վարդան Օսկանյանը վերջապես խախտեց լռությունը՝ վերջ դնելով իր կուսակցություն ստեղծել-չստեղծելու հակասական լուրերին: ԲՀԿ-ից փետրվարյան հայտնի իրադարձություններից հետո դուրս եկած քաղաքական գործիչը որոշել է՝ ստեղծում է կուսակցությունը, որը որեւէ առնչություն չի ունենա Ռոբերտ Քոչարյանի հետ: Իսկ ովքեր կլինեն Օսկանյանի նոր բացվելիք կուսակցությունում, դեռ պարզ չէ, Օսկանյանը չբացառեց, որ իր պատգամավոր գործընկերներից էլ կլինեն նորաստեղծ կոսւակցությունում, սակայն անուններ խուսափեց այս պահին նշել։ Կուսակցության անունը ևս հայտնի չէ, բայց խոստանում է՝ շուտով կիմանանք։ Որքան էլ Օսկանյանը կտրականապես հերքի իր կուսակցությանը Քոչարյանի առնչության մասին, միեւնույն է, միեւնույն է, դրանով չի դադարի դիտվել որպես Ռոբերտ Քոչարյան անձի ներկայացուցիչ Հայաստանի քաղաքական դաշտում: Ուշագրավ է, որ Օսկանյանը կուսակցության ձեւավորման մասին հայտարարում է մի ժամանակաշրջանում, երբ բառի բուն իմաստով կազմաքանդվում է ԲՀԿ-ն, որը ժամանակին ստեղծեց հենց Ռոբերտ Քոչարյանը ու, որը պետք է ծառայեր իբրեւ երկորդ նախագահի քաղաքական հենարան, բայց եղավ այն, ինչ եղավ եւ Սերժ Սարգսյանը ոչ միայն կարողացավ ԲՀԿ-ն դուրս բերել Քոչարյանի <<տակից>>, այլ ընդհանրապես այդ կուսակցությունը տրոհել փշրանքների: Քոչարյանի վերահսկողության տակից դուրս մնաց երկրորդ նախագահի քաղաքական ծրագրի ոչ պակաս աջակից ՀՅԴ-ն՝ վերջնարդյունքում նախընտրելով Սերժ Սարգսյանին: Եւ հիմա ճիշտ ժամանակն է նոր հենարան ձեւավորելու՝ ի դեմս Վարդան Օսկանյանի: Մանավանդ նոր Սահմանադրության եւ քաղաքական նոր իրողության պայմաններում: Ըստ էության Քոչարյանը չի էլ հերքել իր շփումները երկրորդ նախագահի հետ, անկեղծորեն խոստովանել, որ նրա վերադարձը ժամանակի խնդիր է: Սակայն ինչ-ինչ հարցերում Օսկանյանն ուղղակի փարիսեցիություն է արել՝ անելով մի շարք անտրամաբանական հայտարարություններ:Մարտի մեկի դեպքերին անդրադառնալով՝ ասել է, որ դա Հայաստանի «սև» էջերից մեկն է: «Իհարկե, այդ օրվա իշխանությունը միանշանակորեն պատասխանատվություն է կրում դրա համար: Իշխանությունը թույլ չպիտի տար, որ նման բան տեղի ունենար»,- ասաց Օսկանյանը, որն այդ ժամանակ իշխանության կարկառուն ներկայացուցիչն էր՝արտգործնախարար: Չհերքելով, որ ինքն այդ իշխանության մաս էր կազմում՝ նա ասել է. «Հենց մարտի մեկի օրը, խորհուրդ կտամ թարմացնել հիշողությունը, կա իմ ելույթը, որ կրակոցներից 3-4 ժամ առաջ է եղել: Ուղղակի օդում զգալով, որ լարված իրավիճակ է և նման զարգացումներ կարող են լինել, փորձել եմ կանխել»: Օսկանյանն ասաց, որ ինքը մյուս քաղաքական գործիչներից շահեկանորեն տարբերվում է նրանով, որ այդ պատասխանատվությունը վերցրել է իր վրա: «Համարձակություն եմ ունեցել կանգնել կամեռայի առաջ և կոչ անել հանրապետության նախագահին ու ընդդիմությանը, որպեսզի կարողանան երկխոսության մեջ մտնել, որպեսզի խուսափենք Մարտի 1-ից»,- ասաց նա: Օսկանյանը ցնցող խոստում է տվել նաեւ,հարցին, թե իր կողմից ստեղծվելիք կուսակցության օրակարգում կլինի՞ Մարտի մեկի բացահայտման հարցը, Վարդան Օսկանյանը պատասխանեց, որ իրավապահ մարմինները պետք է դրանով զբաղվեն: «Բնականաբար, աջակցություն կլինի: Որքան թափանցիկ լինեն նման հարցերը, այնքան լավ մեր հետագա զարգացումների համար»: Անի Սահակյան