2015-ի բյուջեն ծախսել են, կերել են .Գագիկ Ջհանգիրյան
Այսօր ԱԺ նիստում շարունակվում է Ավելացված արժեքի մասին ՀՀ օրենքում փոփոխություններ եւ լրացումներ կատարելու մասին նախագծի քննարկմանը ՀԱԿ խմբակցության պատգամավոր Հրանտ Բագրատյանը ասաց, որ այս նախագիծը ունի թերություններ, չի միանա. «Գործ չունեմ, չեմ միանա, բայց կողմ կքվեարկեմ: Եթե ինձ ժամանակին կանչեիք, ավելի գրագետ կձեւակերպեինք: Երբ 1 մեքենա են բերում, ԱԱՀ չի գանձվում, իսկ եթե բերեն 3-4 մեքենա: Նախագծում մեքենաների համար ապրանքային քանակ գրված չի, ուրեմն ես կարող եմ մեկն էլ բերել, 4 մեքենա էլ բերել: Եվ հետո, ինչպե՞ս պետք է վարվենք այն գումարի հետ, որը գանձվել է արդեն քաղաքացիներից: Ես առաջարկում եմ ձեւակերպել դա պետական պարտք եւ փոխհատուցվի պետական արժեթղթերով գոնե, մինչեւ կգա օրը եւ ժամը եւ պետությունը կմարի»: ՀԱԿ խմբակցության պատգամավոր Գագիկ Ջհանգիրյանն էլ ասաց, որ փոխհատուցման հարցը կարելի է նաեւ դատական նախադեպով կարգավորել. «Պարզ է, որ 2015-ի բյուջեն ծախսել են, կերել են, հիմա էլ փող ոչ մեկը չի տա: Դրա համար ես առաջարկում եմ հնարավորություն տանք կառավարությանը, որ ինքն իր որոշմամբ սահմանի փոխհատուցման կարգը»: Հիշեցնենք, որ նախագծով նախատեսվում է ԵՏՄ տարածքից ներկրվող ավտոմեքենաների ԱԱՀ-ն հանել: Բայց այն դեպքում, երբ ներկրողը ֆիզիկական անձ է եւ ներկրում է տարեկան ընդամենը 1 մեքենա:
Հետևեք մեզ Viber-ում
