«Հանրային հեռուստաընկերության» շենքը գրավադրվա՞ծ է
2017թ.-ի բյուջեի կատարողականի քննարկմանը «Ծառուկյան» խմբակցության քարտուղար Վահե Էնֆիաջյանը Հանրային հեռուստառադիոընկերության խորհրդի նախագահ Ռուբեն Ջաղինյանից հետաքրքրվեց, թե ինչու է «Հանրային հեռուստաընկերությունն» իր ծախսերի 75%-ը փոխանցել «Շարմ Հոլդինգին», որի 50% բաժնեմասը նրան է պատկանում: Հաջորդ հարցն էլ վերաբերվում էր այն լուրերին, թե «Հանրային հեռուստաընկերության» շենքը գրավադրված է՞: Ռուբեն Ջաղինյանը բացատրեց, որ «Հանրային հեռուստաընկերությունը» պատվիրում է ոչ թե «Շարմ» կազմակերպությանը, այլ պատվիրում է outsource մի քանի ընկերության, որոնց թվում է նաև «Շարմը», և նրանք ընդամենը որակով պատրաստում են ծրագրեր և տրամադրում, ինչը նորմալ գործընթաց է: Ինչ վերաբերում է շենքի գրավադրմանը, Ռուբեն Ջաղինյանն ասաց, որ կային սեյսմիկ վատ վիճակում գտնվող շինություններ, դրանց թվում՝ «Երևան ստուդիայի» շենքը: Նա նշեց, որ գրավադրված է միայն այդ շենքը, և այդ գումարներով մյուս մասնաշենքերը վերազինվել են:
Հետևեք մեզ Viber-ում
