Երեւանում 15-րդ հարկի պատշգամբը փլուզվել, ընկել է կայանված 2 ավտոմեքենաների վրա

Հունիսի 3-ին, ժամը 22:42-ին «911» ծառայությանն ահազանգ է ստացվել, որ Երևան քաղաքի Ճառագայթային փողոցի Գ շենքի 15-րդ հարկի պատշգամբը փլուզվել և ընկել է ավտոմեքենայի վրա. անհրաժեշտ է օգնություն: ԱԻՆ լրատվակն ծառայության փոխանցմամբ, դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Աղետների բժշկության կենտրոնի հերթապահ բժիշկը: Պարզվել է, որ 15-րդ հարկի բնակարանի շքամուտքում կառուցված խորդանոցի երկշերտ պատի արտաքին մասի բետոնե կառուցատարրը փլուզվել է՝ մոտ 1 քմ, ընկել 1-ին հարկում գտնվող «Էդոռա» գեղեցկության սրահի թիթեղյա ծածկի վրա և վնասել այն՝ 4 քմ: Շենքի բակում կայանած հայտնաբերվել են վնասված «Honda Fit» (վարորդը՝ Բ. Գ.) և «Mercedes C» մակնիշերի (վարորդը՝ Լ. Պ.) ավտոմեքենաները: Փրկարարները սահմանազատել են տարածքը: