Գլխատելու ուղերձ, ՀՀԿ-ն ընկրկո՞ւմ է
Ապրիլի 22-ին Երևանում զանգվածային անկարգությունների գործով Քննչական կոմիտեն ձերբակալեց Մասիսի քաղաքապետին , նրա տեղակալին եւ եւս երեք հոգում: Նրանք կասկածվում են ապրիլի 22-ին Էրեբունի համայնքում քաղաքացիական անհնազանդության առաջին օրերին խաղաղ ցուցարարների և անհնազանդության ակցիայի մասնակիցների հանդեպ բռնություն կիրառելու մեջ: Այդ օրը մի խումբ երիտասարդներ բժշկական դիմակներով, գլխարկներով եւ փայտերով ու քարերով ընկել էին ժողովրդի մեջ ու անխնա հարվածներ էին հասցնում: Դավիթ Համբարձումյանy նախկին ոստիկանապետ Վովա Գասպարյանի թիկնազորի պետ Արշակ Հակոբյանի փեսան է, Հակոբյանը էրեբունցի է ու դրանով պայմանավորված պաշտպանական մարտեր էր կազմակերպել համայնքի մատույցներում: Նա փաստորեն չի խնայել քաղաքապետ փեսային եւ վրեւներին իր հավատարմությունը հերթական անգամ ցուցադրելու նպատակով քաղաքապետին եւս ներգրավվել է իր հատուկ ջոկատայինների կազմում: Քաղաքացիական անհնազանդության ակցիաների օրերին մամուլում գրվում էր նաեւ, որ աննախադեպ ակտիվ է Դավիթ Համբարձումյանի եղբայրը՝ Գոռը, նա Հերացի փողոցում ընկերների հետ հարձակվել է աղջիկների վրա, իսկ Մասիսի գյուղերից մեկում կրակել ցուցարարի վրա: ՀՀԿ-ից արդեն շտապել են կատարվածը քաղաքական հետապնդում որակել՝ համարելով, որ զանգվածային անկարգություններ հոդվածով քաղաքապետ ձերբակալելը առնվազն ծիծաղելի է, քանի որ բացակայում է քաղաքապետի անմիջական մասնակցությամբ բռնության գործադրման որեւէ փաստ: Գործի հետագա ընթացի մասին ոչինչ առայժմ չի հաղորդվում, գուցե ՀՀԿ-ականների պնդումներն իրականություն դառնան, գուցե ոչ եւ իրավապահ մարմինները իրեղեն փաստարկներ ներկայացնեն: Ամեն դեպքում քանի դրանք բացակայում ենք, ուրեմն կարելի է նաեւ ընդունել այն պնդումները, որ նոր կառավարությունը ուժային լծակներով հիմա էլ հարձակվելու է ընտրովի պաշտոնյաների դեմ ու տարբեր մեղադրանքներով ստիպելու հրաժարվել պաշտոններից: Ըստ էության Դավիթ Համբարձումյանի ձերբակալությունը ուղերձ է մյուսներին, որ եթե հարվածի տակ ընկնում է ի դեմս Վովայի Արշակի հզոր հովանավոր ունեցող քաղաքապետը, ապա մյուսների հարցը խաղ ու պար է ու հասկանալի, որ մի փոքր բզբզալուց հետո ցանկացածի դեմ էլ կարելի գործերի կապոց սարքել ու գլխատել ողջ ՀՀԿ-ն: Եւ ահա, ուղերձը կարծես թե սպասվածից շուտ տեղ հասավ ու ՀՀԿ-ականները հասկացան, որ Հայաստանում երկակի կամ երկիշխանության տպավորությունը առավելապես առերևույթ է, և բավական է թավշյա հեղափոխությանը ցույց տար գործադիր իշխանության ուժը,ՀՀԿ-ի քանդումը ժամերի հարց է: Այս իրադարձություններին հաջորդած ՀՀԿ ԳՄ նիստի ավարտից հետո արդարադատության նախկին նախարար Դավիթ Հարությունյանը հայտարարեց, որ ՀՀԿ-ն պատրաստ է թե Ընտրական օրենսգրքի փոփոխությունների քննարկման, թե արտահերթ ընտրությունների: Հարցին, արդյոք պատրաստ են արտահերթ ընտրությունների, նա պատասխանել է, որ իրենք արտահերթ ընտրությունների որեւէ արգելք չեն տեսնում, սակայն պետք է քաղաքական ուժերի միջեւ քննարկումներ լինեն։ Դավիթ Կարապետյան
Հետևեք մեզ Viber-ում
