Այս եղանակով շողոքորթում են նոր իշխանություններին.Մասիսի քաղաքապետի պաշտպան
Կենտրոն և Նորք Մարաշ ընդհանուր իրավասության դատարանում Մասիսի քաղաքապետ Դավիթ Համբարձումյանի կալանավորման միջնորդության քննությունը ավարտվեց ,սակայն վճիռը կհրապարակվի ժամը 15:00-ին: «Ակնկալում ենք,որ նա ազատ կարձակվի:Հիմնավոր կասկած բացակայում է, երկու շինծու վկաներ «Յութուբում» տեսնելով դիմակավորված մարդու, ասել են, որ դա ինքն է, բայց անգամ այդ դիմակավորված մարդը ոչինչ չի անում: Սրա հիման վրա մեղադրանք են առաջադրել զանգվածային անկարգություններ կազմակերպելու և մասնակցելու հիմքով, բայց դա խայտառակություն է, Մարտի 1-ով նման բան չի եղել, նման ապօրինի, խայտառակ մեղադրանք չի եղել»,- լրագրողների հետ զրույցում նշեց նրա պաշտպան Տիգրան Աթանեսյանը: «Դատավոր Աննա Մաթևոսյանը ձերբակալումից չազատեց իրենց մյուս պաշտպանյալին և կալանավորելու որոշում կայացրեց:Կողքի դահլիճում նստած մի դատավոր համարում է, որ լրիվ նույն ապացույցներով բացակայում է հիմնավոր կասկածը և հիմքեր չկան ու երկու անձի ազատ է արձակում, իսկ տիկին Մաթևոսյանը որոշում է, որ այնտեղ ամեն ինչ նորմալ է, կարելիէ կալանավորել: Անպայման կվիճարկենք դա Վերաքննիչ դատարանում: Չգիտեմ՝ ինչն է պատճառը, պարզապես դատական համակարգում շատ են մարդիկ, որ սխալմամբ ուզում են այս եղանակով շողոքորթել նոր իշխանություններին: Ես կարող եմ վստահաբար ասել, որ նման ձևով նրանց շողոքորթել հնարավոր չէ: Անիմաստ բան է»,-ասաց նա:
Հետևեք մեզ Viber-ում
