ՊԵԿ-ն ու ոստիկանությունը պետք է խորանան.Փաշինյան
«Խնդիրը բավականին խորն է, որքանով մենք կարողացել ենք հասկանալ: Մեզ առաջարկվող լուծումներից մեկն առհասարակ կասեցումն է այդ ընկերության հետ որևէ համագործակցությունը, բայց ես չեմ կարծում՝ դա արդյունավետ լուծում է: Կարծում եմ, որոշակի կոռուպցիոն խնդիրներ նույնպես կան, և պետք է ուսումնասիրվեն, որպեսզի կարողանանք համապարփակ և ընդհանուր պատկերը ստանալ, որովհետև ինքը երկար տարիների պատմություն ունի, ոնց հասկանում եմ: Եվ մանրամասն հենց այդ կոռուպցիոն մասերով պետք է ուսումնասիրենք, և ՊԵԿ-ի ու ոստիկանության հետ պետք է խորանանք այդ խնդրի մեջ»,-կառավարության այսօրվա նիստի ժամանակ վարչապետի հորդորով փոխվարչապետ Տիգրան Ավինյանն անդրադարձավ Հյուսիս-Հարավ մայրուղու մի հատվածում չինական ընկերության հետ կապված խնդրին: Նիկոլ Փաշինյանը հորդորեց մաքսիմալ արագ լուծումներ տալ, քանի որ արդեն 2 տարուց ավելի է, որ այդ ճանապարհահատվածում խնդիրներ կան, ինչը նաև զբոսաշրջության զարգացմանն է խոչընդոտում: «Խոսքը Գյումրի-Լանջիկ հատվածին է վերաբերում»,-ասաց վարչապետը:
Հետևեք մեզ Viber-ում
