3,5 մլն դրամի շրջակա միջավայրի վնաս. ապօրինի ծառ են հատել, ձուկ որսացել

ՀՀ բնապահպանության եւ ընդերքի տեսչական մարմնի ստորաբաժանումների աշխատակիցների կողմից ս.թ. մայիսի 21-ից 25-ն ընկած ժամանակահատվածում կատարված ստուգումների, շրջայցերի, հաշվետվությունների ընդունման, ինչպես նաեւ Տեսչական մարմնին հանձնված վարչական վարույթների քննության արդյունքում հայտնաբերվել եւ արձանագրվել է 17 իրավախախտում, 6-ի (1-ը՝ նախկինում հայտնաբերված) վերաբերյալ անցկացվել է վարչական վարույթի քննություն եւ նշանակվել 300.000 ՀՀ դրամի վարչական տուգանք: Վերոնշյալ ժամանակահատվածում բնապահպանական իրավախախտման հետեւանքով շրջակա միջավայրին հասցված վնասի չափը կազմել է՝ 3.518.720 ՀՀ դրամ: Մասնավորապես` Բուսական աշխարհի պահպանության ոլորտ Արձանագրվել է իրավախախտման 15 դեպք:   Քննված վարչական վարույթներով հաշվարկվել է 3.518.720 ՀՀ դրամի շրջակա միջավայրին հասցված վնաս, նշանակվել՝ 250.000 ՀՀ դրամի վարչական տուգանք, որից՝ Լոռու մարզ՝ փայտանյութի ապօրինի տեղափոխման 2 դեպքով (3.389 խմ) հաշվարկվել է 218.000 ՀՀ դրամի շրջակա միջավայրին հասցված վնաս։ Տավուշի մարզ՝ ապօրինի ծառահատման 5 դեպքով (5 բոխի, 1 լորենի, 8 հաճարենի, 2 թխկի) հաշվարկվել է 3.030.000 ՀՀ դրամի, փայտանյութի ապօրինի տեղափոխման 1 դեպքով (2.1 խմ) 27.720 ՀՀ դրամի շրջակա միջավայրին հասցված վնաս։ Վայոց Ձորի մարզ՝ ապօրինի ծառահատման 1 դեպքով (6 ուռենի) հաշվարկվել է 18.000 ՀՀ դրամի շրջակա միջավայրին հասցված վնաս։ Ք. Երեւան՝ ապօրինի ծառահատման 1 դեպքով (6 ծառ) հաշվարկվել է 225.000 ՀՀ դրամի շրջակա միջավայրին հասցված վնաս։ Նախկինում հայտնաբերված իրավախախտում՝ ՀՀ Լոռու մարզ՝ ապօրինի ծառահատման 5 դեպքով նշանակվել է 250.000 ՀՀ դրամի վարչական տուգանք։ Կենդանական աշխարհի պահպանության ոլորտ Արձանագրվել է իրավախախտման 1 դեպք: Գեղարքունիքի մարզ` 1 դեպքով առգրավվել է սիգ տեսակի 228 հատ (33 կգ) ձուկ, որը հանձնվել է Սեւանի «Հեքիաթ», «Բողբոջ» եւ Մարտունի քաղաքի թիվ 2 մանկապարտեզներին։  Բնապահպանական եւ բնօգտագործման վճարների եռամսյակային հաշվետվությունները սահմանված ժամկետում չներկայացնելու համար Արձանագրվել է իրավախախտման 1 դեպք։  Շիրակի մարզ՝ 1 տնտեսվարողի նկատմամբ նշանակվել է 50.000 ՀՀ դրամի վարչական տուգանք: