Պետք է համարենք,որ կոռուպցիան ամենաչար երազում է եղել.Օսիպյան
«Ոստիկանություն-հասարակություն հարաբերություններում կար որոշակի հեռավորություն, անդունդ: Մենք կփորձենք այդ անդունդը լցնել: Ամեն ինչ անելու ենք, որ հասարակությունը դժգոհ չլինի ոստիկանությունից: Բարեփոխումներ միշտ էլ եղել են, երեկ, այսօր և վաղն էլ կլինեն: Զգալի աշխատանք ունենք արած, բայց դա դեռ թերի է, պետք է զարգացնենք»,- Սարդարապատի հուշահամալիրում լրագրողների հետ ճեպազրույցում ասաց ոստիկանապետ Վալերիյ Օսպիյանը: «Շարունակում ենք հայտնաբերել բարքերը, այն երևույթները, որոնք ստվերում են հասարակություն-ոստիկանություն կապը: Կոռուպցիան պետք է տեղ չունենա ամբողջ Հայաստանում: Կոռուպցիայի մասով մենք որդեգրել ենք իսպառ վերացնել այն: Կոռուպցիան պետք է տեղ չունենա որևէ ոլորտում, համարենք, որ այն ամենաչար երազում է եղել»,- նշեց Վալերիյ Օսիպյանը:
Հետևեք մեզ Viber-ում
