Եթե առաջինը չլիներ,չէր լինի երկրորդը,դժվար կլիներ ստեղծել երրորդը.Արմեն Սարգսյան
«Առաջին հանրապետության 100-ամյակը նշանակում է հսկայական կարևոր իրադարձություն մի ժողովրդի համար, որը ոչ թե մեկ հարյուր, այլ մի քանի հարյուր տարի չի ունեցել պետականությունը: Հայ ժողովուրդն այդ պետականությունը կարողացել է պահել, պահպանել և պաշտպանել առանց ազգային ժողովի, առանց նախագահի, առանց վարչապետի՝ ունենալով իր հավատը Աստծու, եկեղեցու, իր մշակույթի ու ոգու, կրթության ու զավակների վաղվա օրվա նկատմամբ»,-Էջմիածինում լրագրողների հետ զրույցում ասաց ՀՀ նախագահ Արմեն Սարգսյանը: «Հայ ժողովուրդը կարողացել է հարյուր հազարավոր տարիներ պահել իր ինքնությունը, ազգային պատկանելիությունը, իսկ այսօր ունի պետականություն:Մենք նաև հաղթանակած ժողովուրդ ենք Արցախում ու Սարդարապատում, պարտավոր ենք ոչ միայն պահել ու պահպանել, այլ նաև ամրապնդել, մեր հայրենիքն ու Արցախը դարձնել փոքր, բայց հզոր երկիր»,-ասաց Արմեն Սարգսյանը: Հարցին,թե որն է անկախության հիմքերի ամրապնդման թիվ մեկ գործոնը, ՀՀ նախագահն ասաց.«Նախ և առաջ , ես կարծում եմ, որ մեր ազգային ոգու գործոնն է, և այն հավատի, որ վաղն ավելի լավ է լինելու, քան այսօր: « Եթե առաջին հանրապետությունը չլիներ, ապա չէր լինի երկրորդ հանրապետությունը՝ Խորհրդային Հայաստանը, երբ ստեղծվեց մշակույթ, կրթություն, Հայաստանը մասնակցեց Երկրորդ համաշխարհային պատերազմին, կազմակերպվեց ներգաղթ և այլն:Եթե երկրորդ հանրապետությունը չլիներ, շատ դժվար կլիներ ստեղծել երրորդ հանրապետությունը և պաշտպանել մեր իրավունքները Արցախի ազատամարտում»,-ասաց Արմեն Սարգսյանը:
Հետևեք մեզ Viber-ում
