Շարունակվելու է այս անգամ կառավարության սազանդարների ու աշուղների ձոներգը առ Նիկոլ

Փաշինյանի հետ հանդիպման ժամանակ մշակույթի գործիչներից որևէ մեկը դեմ արտահայտվե՞ց պետական պարգևների, կոչումների ու մրցանակների «համակարգին»,ինչ-որ մեկը նշե՞ց, որ դրանք պետք է վերացնել: Եթե ոչ, ապա շարունակվելու է նույն քծնանքը, շողոքորթությունը, կոչումներ ստանալու «հերթի մեջ» սպասողների տվայտանքները, մեդալ ու կոչում ունենալու համար միմյանց կոխկրտելու ու ԽԾԲ-ների միջոցով բաղձալի «ժեշտի կտորին» հասնելու «գործընթացը»: Շարունակվելու է այս անգամ կառավարության սազանդարների ու աշուղների ձոներգը առ Նիկոլ: Ի դեպ, Վիլյամ Սարոյանը ժամանակին հրաժարվել է անգամ Պուլիցերյան մրցանակից, որը, հասկանալի է, պետական չէ: Իսկ մեր դեպքում պետական կոչումներն ու մրցանակները իշխանության ձեռքին եղել ու մնալու են որպես գործիք մշակույթի գործիչներին, արվեստագետներին հնազանդ ու հլու պահելու համար: Թեպետ, այդ մարդիկ էլ են կողմ հնազանդ գառնուկի դերին: Կիմա Եղիազարյանի ֆեյսբուքյան էջից