Ռուսական գազը ավելի էժան է , քան պարսկականը.նախարար

Մեծամորի ատոմակայանում շրջայցից հետո լրագրողների հետ զրույցում Էներգետիկ ենթակառուցվածքների եւ բնական պաշարների նախարար Արթուր Գրիգորյանը հայտարարեց  ,որ այս պահին նոր ատոմակայան կառուցելու վերաբերյալ քննարկումների անհրաժեշտություն չկա։ Նոր ատոմակայանի կառուցման եւ նման հարցերով վարչապետ Նիկոլ Փաշինյանի հետ քննարկումներ չի ունեցել: «Այս պահին, ինչքան ինձ զեկուցել են, ինչքան որ ես փոխնախարարների հետ քննարկել եմ, այս պահին չկա անհրաժեշտություն նոր ատոմակայան կառուցելու համար»,-ասաց նա: «Գիտեք ինչ, դա խորը մասնագիտական, փորձագիտական վերլուծություններ է պահանջում։ Մենք չենք կարող միանգամից ասել, որ մենք նոր ատոմակայան ենք կառուցելու։ Մենք Հայաստանի էներգետիկ համակարգի անխափան աշխատանքի համապատասխան քանակութամբ մեր ներքին շուկայի սպառման համար ունենք այսօր բավարար էլեկտրաէներգիա արտադրող կառույցներ։ Նոր ատոմակայանի կառուցման հետ կապված որեւիցե քննարկում, որոշում չկա: Կլինի՝ ես տեղյակ կպահեմ»,-երբ լրագրողները հիշեցրին, որ նոր պաշտոնում իրեն՝ նախարարին, նախարարության աշխատակազմին ներկայացնելիս վարչապետն ասել է, որ նոր ատոմակայանի հարցն իրենց ուշադրության կենտրոնում է,նման պատասխան  նախարարը: Իրանական գազը սահմանին ավելի թանկ է, քան ռուսական գազը,ասաց  նախարարը ,պատասխանելով գազի թեմայի մասին հարցին: Նրա խոսքով, իրանական գազը սահմանի վրա, որ վերջին տվյալներով առաջարկվել է, 165 դոլար է , իսկ ռուսական գազը մենք ստանում ենք 150 դոլարով եւ պլյուս ռուսական «Գազպրոմ» ընկերության կողմից կան նաեւ 27-28 մլն դոլարի ներդրումային ծրագրեր, որը ավելի է էժանացնում ռուսական գազը, քան պարսկականը. «Բայց դա մեզ չի ստիպում, որ մենք քարացած նստենք եւ չշարունակենք բանակցությունները: Իհարկե, փորձելու ենք նաեւ էժան գազի աղբյուրներ փնտրենք»,-ասաց նա: