Քաղաքացիները պետք է անարդարության զգացողությունը թոթափեն.Փաշինյան (video)

«Պարոն Օսիպյան, ինչ եզրակացության եկանք ու արդյոք Արդարադատության նախարարության հետ ինչ-որ ընդհանուր հայտարարի եկել եք», -Կառավարության այսօրվա նիստում վարչապետ Նիկոլ Փաշինյանն անդրադարձավ տեսանկարահանող ու ու արագաչափ սարքերի գործունեությանը։ «Նախարարության հետ քննարկում կայացել է։Երբ որ մենք դադարեցրեցինք արագաչափերի գործունեությունը, այդ ընթացքում զոհերի թիվը, կարծես թե, մի փոքր ավելացավ, իսկ երբ որ հայտարարություն եղավ նորից ոստիկանության կողմից, որ արագաչափերը գործում են, քաղաքացիների կողմից ուսումնասիրությմաբ պարզվել է, որ արագաչափերի մասով չի բողոքը, այլ հակառակը, կան քաղաքացիներ, որոնք դիմում են խնդրանքով, որ փողոցներում արագաչափեր տեղադրվեն, այստեղ ամբողջ խնդիրը տեսանկարահանող սարքերի խնդիրն էր», - ասաց Օսիպյանը։ «Կարող են լինել վարորդներ, որոնք կօգտվեն ոստիկանության որոշումից ու խախտումներ թույլ կտան։Դե, այդ վարորդներին...պետությունը ունի բավարար մեխանիզմներ կարգը պահպանելու համար, մենք պետք է փոխենք խնդրի փիլիսոփայությունը, մենք պետք է հասկանանք, որ քաղաքացին տուգանվելու մատերիալ չէ:Պետք է ամեն ինչ լինի հանուն քաղաքացու ու տուգանքների չափերի ու ընթացակարգերի հետ կապված օրենսդրական փոփոխություններ պետք է պատրաստել », - ասաց վարչապետը։ «Քաղաքացիները պետք է անարդարության զգացողությունը թոթափեն», - ասաց Փաշինյանը։ Արդարադատության նախարար Արտակ Զեյնալյանն էլ ասաց, որ նախարարությունը e-draft.am կայքում տեղադրել է վարչական տուգանքների համաներման մասին օրենքի նախագիծը.«Առաջիկայում, երբ որ լրանա ժամկետները, այն կներկայացվի կառավարության հաստատմանը, որպեսզի գնա Ազգային ժողով»: