Շաքար ներկրել ցանկացողներ էլ կան, ներկրողներ էլ. ՊԵԿ նախագահ

Կառավարության նիստից հետո  ՊԵԿ նախագահ Դավիթ Անանյանը նշեց, որ չպետք է անձերի հետ կապել դրական տեղաշարժը։ «Այո, վարչապետի հայտարարության հիման վրա դրական տեղաշարժեր եղան, բայց չպետք է դա կապենք ՊԵԿ–ի կամ վարչապետի անձի հետ, մեր նպատակը համակարգային փոփոխություններ իրականացնելն է, որ անձանց չլինելու կամ անձանց փոխարինման պարագայում համակարգերը աշխատեն», - նկատեց նա։ Հարցին, թե շաքար ներկրել ցանկացողներ կա՞ն այս պահին, ասաց. «Ցանկացողներ էլ կան, ներկրողներ էլ կան»: Լրագրողներից մեկը հետաքրքրվեց, թե օլիգարխների հետ օրերս կայացած Նիկոլ Փաշինյանի հանդիպմանը ՊԵԿ նախագահը ներկա եղել է, գիտի արդյոք, թե ինչ է քննարկվել, որին ի պատասխան Դավիթ Անանյանը նշեց. «Ես ներկա չեմ եղել, չգիտեմ ինչ է քննարկվել, բայց համապատասխան հանձնարարականները ստացել է։ Իսկ հանձնարարությունը շատ պարզ եւ հստակ է եղել՝ ՊԵԿ–ը իր գործունեությունը պետք է իրականացնի օրենսդրության շրջանակներում, չպետք է լինեն գերադասված տնտեսվարողներ, արտոնյալներ»։