Նկարներ. Արտակարգ դեպք Երևանում. «կրծքավանդակի ձախ մասում ծակած-կտրած վերք» ախտորոշմամբ հիվանդանոց է տեղափոխվել մի քաղաքացի

Այսօր՝ մայիսի 22-ին, արտակարգ դեպք է տեղի ունեցել Երևանում: Ժամը 09:30-ի սահմաններում Երևանի 1-03 շտապօգնության հերթապահ խումբը ահազանգել է ոստիկանության Երևան քաղաքի վարչության օպերատիվ կառավարման կենտրոն և հայտնել, որ «կրծքավանդակի ձախ մասում կտրած-ծակած վերք» ախտորոշմամբ Էրեբունի հիվանդանոց են տեղափոխել մի քաղաքացու: Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Շենգավիթի բաժնի օպերատիվ խումբը՝ բաժնի պետ Հրաչ Խոստեղյանի գլխավորությամբ: Ոստիկանները պարզել են, որ վիրավորը հիվանդանոց է տեղափոխվել Արտաշիսյան փողոցի 40/8 շենքի մոտից և նա 32 տարեկան է: Մինչ Էրեբոււնու հիվանդանոցի բժիշկները կփրկեին նրա կյանքը, ոստիկանութան Շենգավիթի բաժնի քրեական հետախուզության բաժանմունքի աշխատակիցները տաք հետքերով բացահայտել են դեպքի հանգամանքերը: 32-ամյա տղամարդուն, ում անունը Արայիկ է, դանակահարելու կասկածանքով Շենգավիթի ոստիկանութուն են բերման ենթարկել Երևանի բնակիչ, 42-ամյա Մուրադ Մուրադյանին: Գ. Շամշյանի տեղեություններով՝ փաստի առթիվ ոստիկասնության Շենգավիթի բաժնի հետաքննչական բաժանմունքում նախապատարստված նյութեը փոխանցվելու են Հայատնի քննչակա կաոմիտեի Երևան քաաղքի քննչաակն վարության Շենգավիթի քննչական բաժին: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: