Ովքեր են խոշոր հարստացած մարդիկ.ԱԱԾ պետը սկանդալային բացահայտումներ է խոստանում

Ազգային անվտանգության ծառայության ղեկավար Արթուր Վանեցյանն այսօր հանդիպել է լրատվամիջոցների ղեկավարների  հետ: Հանդիպմանը նորանշանակ պետն անդրադարձել է իր նշանակմանը,ԱԱԾ-ում սպասվող կառուցվածքային փոփոխություններին, կոռուպցիայի դեմ պայքարի  և այլ կարևոր հարցերի: Նա հայտնել է, որ առաջիկայում կոռումպացված և ապօրինի հարստացածները պատասխանատվության կենթարկվեն: Այդպիսի գործընթաց սկսելու մասին շուտով հայտարարություն կլինի, իսկ հստակ քայլերն էլ կմեկնարկեն մայիսի 23-ից հետո: «Հայաստանում նախկինում կատարված հանցագործությունների գործող կոռուպցիոն շղթաների հայտնաբերման գործողություններ են իրականացնում:Շուտով կբացահայտնվեն խոշոր հարստացած մարդիկ, որոնք գործել են կոռուպցիոն սխեմաներով»,-ասել է նա  և հավելել,որ այդ սխեմաների շրջանակում որոշները պետությունից գումար են գողացել տարիներ շարունակ ու ապօրինի հարստացել են։ «Պետք է գտնենք լուծումներ, որ գումարը հետ վերադարձնեն ոչ թե գնան, բանտ նստեն, քանի որ դա հարցի լուծում չէ: Հայաստանում 350 մարդ կա, որոնք տեղյակ չեն, որ խոշոր գործարարությամբ են զբաղվում ու հարկեր չեն մուծում։ Իրենց անձնագրերը վերցրել են ու բիզնես են գրանցել։ Մինչև ամսվա վերջ կունենանք ամբողջական պատկեր»,-նշել է նա: