Հայանիստի խուլիգանության գործով խուզարկություն է ընթանում Մասիսի քաղաքապետի տանը

Հայանիստ գյուղում տեղի ունեցած խուլիգանության գործով Aysor.am-ի տեղեկություններով խուզարկություն է կատարվում Մասիսի քաղաքապետի տանը: Ըստ մեր տեղեկությունների՝ քաղաքապետի տունը նրա հայրական տունն է, որտեղ վերջինս բնակվում է եղբոր հետ: ՀՀ Քննչական կոմիտեի նախագահի խորհրդական Սոնա Տռուզյանն Aysor.am-ին փոխանցեց, որ քրեական գործով շարունակվում են կատարվել տարբեր քննչական և դատավարական գործողություններ՝ դեպքի բազմակողմանի քննությունն ապահովելու նպատակով և դրա շրջանակներում միջնորդություններ են ներկայացվել խուզարկություններ կատարելու վերաբերյալ: