«Եթե այդպիսիք երբևէ եղել են, դրանց շղթան կկտրվի». Արտակ Զեյնալյան

ՀՀ արդարադատության նախարար Արտակ Զեյնալյանի խոսքով՝  հին կոռուպցիոն գործերի բացահայտումներով պետք է զբաղվեն իրավապահ մարմինները: «Մենք ևս մեկ անգամ հավաստիացնում ենք, որ գործելու է ոչ թե կոռուպցիայի կանխավարկածը, այլ անմեղության կանխավարկածը: Որևէ շեղում անմեղության կանխավարկածից և արդար դատաքննության սկզբունքներից թույլ չենք տալու: Եթե այդպիսիք երբևէ եղել են, դրանց շղթան կկտրվի»,- նշեց նա: Անդրադառնալով ՀՀ ոստիկանության պարեկապահակային գնդի գրավման գործով մեղադրյալների ազատ արձակման լրագրողների հարցին նախարարը նշեց, որ մարդիկ պետք է հաշվի առնեն, որ իրականացնելով բողոքի ակցիաներ նաև կարող են միջամտել այլոց իրավունքներին և ազատությանը: «Յուրաքանչյուրը պետք է հաշիվ տա իրեն և իր գործողություններն այնպես անի, որ չվնասի ընդհանուր շահը: Այս հեղափոխությունը բացառիկ հեղափոխություն է, և յուրաքանչյուրս պատասխանատու ենք դրա համար: Եթե մեր մտքով ինչ-որ բան է անցնում` պետք է չբացառենք, որ դա կարող է հակասել ուրիշի կարծիքներին, և դա պետք է օբյեկտիվության սահմաններում քննվի և լուծում ստանա»,- շեշտեց նա: