Հանձնարարական.Օսիպյանն այսօր անուններ է հրապարակելու (video)

22:43 - 17/մայիսի/2018

« Անհայտ անձանց հարձակումների հետևանքով ապրիլին ավտոմեքենաներ են վնասվել: Ես ակնկալում եմ շատ արագ այդ գործերը քննվեն, այդ հարձակումների հեղինակները պարզվեն»,- կառավարության նիստում ՀՀ վարչապետ Նիկոլ Փաշինյանն անդրադարձավ ապրիլին տեղի ունեցած դեպքերին:Նա հավելեց , որ պետք է նաև փոխհատուցում հատկացվի տուժածներին, պետք է հասկանալ, թե ով է այդ պատասխանատվությունը կրելու և բացահայտել այդ դեպքերը:

Փաշինյանը նշեց, որ մի տարօրինակ վիճակագրության է հանդիպել, երբ քաղաքական շարժման պրոցեսում ուսանողների վրա հարձակում էր տեղի ունեցել Հերացի փողոցում, տեսագրությունը համացանցում տարածված է, բայց պարզվում է, որ գործ է հարուցվել ու կարճվել:

Այս գործելակերպին պետք է վերջ տալ, որպեսզի արտոնյալ մարդկանց հանդիպելով, քրեական գործերը չկարճվեն:Այդ պրակտիկային պետք է վերջ տալ, այդ մարդիկ պետք է հստակ տեսնեն, որ գնում ենք այդ ճանապարհով. «Այսօր այդպիսի հստակ ուղերձներ, ցավոք, դեռևս չկան»: Ն.Փաշինյանը նշեց, որ կարճման որոշումը պետք է ստուգվի, որովհետև, ըստ մամուլի հրապարակումների, այն օրենքի հետ կապ չունի: Ն.Փաշինյանը նշեց, որ պետք է ունենանք բռնությունից զերծ հանրություն և եթե այդ խնդիրը լուծվել է մթնոլորտի առումով, պետք է նաև գործնականում լուծվի այն: Վարչապետը ոստիկանապետին հանձնարարեց շատ արագ լուծել խնդիրը: Վալերի Օսիպյանը զեկուցեց, որ բոլոր գործերով ստուգումներ են իրականացվում, անձնանց ինքնությունը պարզելու համար կատարվել են օպերատիվ հետախուզական միջոցառումներ և առաջին անձանց անունները այսօր, ըստ ամենյանի, կհրապարակվեն: