Նորանշանակ նախարարներ, ովքեր դեռ չեն գտել իրենց երկրորդ կեսին

Նոր ձեւավորված կառավարությունում շատ են երիտասարդ կադրերը։ Նրանցից չորսն արդեն զբաղեցնում են նախարարի պաշտոնը, սակայն դեռ չեն գտել իրենց երկրորդ կեսին եւ ամուսնացած չեն։ Պաշտո՞նն է, որ ձեզ պետք է երջանկացնի. իհարկե ոչ, չէ՞ որ կյանքում ամենակարեւորն ընտանեկան երջանկությունն է։ Կարծում ենք՝ նախարարները համամիտ են մեզ հետ եւ չեն մոռանա կարիերայից զատ կառուցել իրենց անձնական երջանկությունը։  Wnews.am-ը ներայացնում է նոր կառավարության չորս նախարարներին, ովքեր դեռ ամուսնացած չեն։ ՀՀ մշակույթի նախարար Լիլիթ Մակունց. Ծնվել է 1983թ.-ի նոյեմբերի 7-ին Երևանում: 1990-1999թթ. սովորել է Երևանի 195 միջն. դպրոցում: 1999-2003 թթ. սովորել է Երևանի պետական համալսարանի ռոմանագերմանական բանասիրության ֆակուլտետում, ստացել է բակալավրի աստիճան, այնուհետև նույն ֆակուլտետում 2003-2005թթ. սովորել է մագիստրատուրայում: 2014թ. ստացել է բանասիրական գիտությունների թեկնածուի կոչում: 2015թ.-ի ամռանը անցել է դիպլոմավորված դասընթաց Ամերիկայի Թաֆթս համալսարանի Ֆլետչերի ամառային դպրոցի շրջանակներում: 2005թ-ից մինչ օրս դասավանդում է Հայ-ռուսական համալսարանում: 2016 թթ.-ից պայմանագրային հիմունքով աշխատում է Ամերիկյան խաղաղության կորպուսում: 2018թ.-ի փետրվարին զբաղեցրել է Ռուս-հայկական համալսարանի միջազգային կապերի և համագործակցության բաժնի ղեկավարի պաշտոնը: ՀՀ սփյուռքի նախարար Մխիթար Հայրապետյան Ծնվել է 1990թ. մայիսի 15-ին: Կրթություն 2007թ-ին ավարտել է Երևանի 127 դպրոցը և ընդունվել ԵՊՀ արևելագիտության ֆակուլտետի Թուրքիայի բաժինը: 2013թ-ին ավարտել է նույն ֆակուլտետի մագիստրատուրան: 2012-13թթ. եղել է ԵՊՀ արևելագիտության ֆակուլտետի Ուսանողական Գիտական Ընկերության և Ուսանողական խորհրդի անդամ: Գիտական հոդվածների հեղինակ է: Վերջին տարիներին մասնակցել է ոչ ֆորմալ կրթության շրջանակներում իրականացված տասնյակ միջազգային կրթական ծրագրերի: Աշխատանքային գործունեություն 2011թ-ին հիմնադրել է «Երիտասարդ քաղաքական գործիչների ասոցիացիան» և մինչև 2015թ-ի ապրիլը իրականացրել կազմակերպության փոխնախագահի լիազորությունները: 2016թ-ի հունվարից հանդիսանում է «Քաղաքացիական կրթության և երիտասարդության զարգացման կենտրոնի» հիմնադիր նախագահը: 2010-17թթ հասարակական-քաղաքական գործունեությանը զուգահեռ աշխատել է մի քանի տեղական թերթերում` որպես Մերձավոր Արևելքի և, մասնավորապես, Թուրքիայի հարցերով փորձագետ: «Քաղաքացիական պայմանագիր» կուսակցության հիմնադիր անդամներից է: 2016թ-ի դեկտեմբերին ընտրվել է ՔՊ Նոր Նորքի տարածքային կազմակերպության նախագահ` միաժամանակ ընդգրկվելով կուսակցության քաղաքական խորհրդում: 2016-2018թթ եղել է ՔՊ Սփյուռքի հարցերով համակարգող: Լեզուների իմացություն Հայերեն, անգլերեն, ռուսերեն, թուրքերեն Անձնական տվյալներ Ամուսնացած չէ: Կրթության եւ գիտության նախարար Արայիկ Հարությունյան Ծնվել է 1979թ. սեպտեմբերի 2-ին Երևանում։ 1986-1996թթ. սովորել է Երևանի Վիկտոր Համբարձումյանի անվան թիվ 12 միջնակարգ դպրոցում։ 1996-2003թթ. սովորել է Երևանի պետական համալսարանի արևելագիտության ֆակուլտետի արաբագիտության բաժնում՝ 2001թ․ ստանալով արաբագիտության բակալավրի, իսկ 2003թ.՝ արաբագիտության մագիստրոսի աստիճան։ 1998-1999թթ. սովորել է Դամասկոսի «Արաբերենն արտասահմանցիների համար» ինստիտուտում: 2007թ. ավարտել է Ռուսաստանի գիտությունների ակադեմիայի Արևելագիտության ինստիտուտի ասպիրանտուրան՝ ստանալով պատմական գիտությունների թեկնածուի աստիճան («Թուրք-սիրիական հարաբերությունները 1980-ականներին – 21-րդ դարի սկզբին»)։ Գիտական 6 հոդվածի հեղինակ է: 2007թ.-ից դասախոսում է Երևանի պետական համալսարանի Արևելագիտության ֆակուլտետում, «Արաբագիտության արդի հիմնախնդիրներ» մագիստրոսական ծրագրի ղեկավարն է: 2005-2006թթ. աշխատել է մարդու իրավունքների «Հելսինկյան ասոցիացիայում»` որպես ծրագրի ղեկավար, 2010-2011թթ.` 1in.am լրատվական կայքում` որպես միջազգային բաժնի պատասխանատու, 2013-15թթ.` Araratnews.am կայքում` որպես միջազգային բաժնի պատասխանատու։ 2008թ. եղել է «ՀԻՄԱ» երիտասարդական նախաձեռնության համահիմնադիր: 2011թ.-ից «ՀԻՄԱ» ՀԿ խորհրդի անդամ է։ Հայերենի խնդիրներով մտահոգ մի խումբ քաղաքացիների հետ հիմնադրել է «Մենք դեմ ենք օտարալեզու դպրոցներին» քաղաքացիական նախաձեռնությունը, «Բանակն իրականում» խմբի անդամ է։ 2014 թվականից «Թրանսփարենսի ինթերնեյշնլ» հակակոռուպցիոն կազմակերպության անդամ է: 2007-2010թթ. ներգրավված է եղել հայ-թուրքական հաշտեցման երիտասարդական նախաձեռնություններում։ 2013-2015թթ. եղել է «Քաղաքացիական պայմանագիր» հանրային-քաղաքական միավորման կառավարման խորհրդի անդամ: 2015-2016թթ. եղել է «Քաղաքացիական պայմանագիր» կուսակցության վարչության նախագահ: 2016 թվականի հոկտեմբերի 30-ին վերընտրվել է «Քաղաքացիական պայմանգիր» կուսակցության վարչության անդամ: 2017 թվականի մայիսի 14-ին «Ելք» դաշինքի առաջադրած ցուցակով ընտրվել է Երևանի ավագանու անդամ: 2018թ. մայիսի 11-ից ՀՀ կրթության և գիտության նախարարն է: ՀՀ տարածքային կառավարման և զարգացման նախարար Սուրեն Պապիկյան Ծնվել է 1986թ. ապրիլի 26-ին Ստեփանավան քաղաքում: Սովորել է Լոռու Բերդ գյուղի դպրոցում, ապա 2003 թվականին ավարտել է Ստեփանավանի թիվ 1 վարժարանը և ընդունվել ԵՊՀ պատմության ֆակուլտետ: Ուսումնառության ընթացքում զորակոչվել է ՀՀ Զինված Ուժեր: 2009-2011թթ. գլխավորել է ԵՊՀ պատմության ֆակուլտետի Ուսանողական Գիտական Ընկերությունը: Գերազանց առաջադիմության համար արժանացել է ֆակուլտետի «Թաթուլ Կրպեյան» անվանական կրթաթոշակի: 2011թ. գերազանց առաջադիմությամբ ավարտել է ԵՊՀ պատմության ֆակուլտետի մագիստրատուրան: 2010-2016թթ. ուսմանը զուգահեռ աշխատել է պատմության ուսուցիչ՝ Երևանի թիվ 54 ավագ դպրոցում: 2011թվականից դասավանդել է «Քվանտ» վարժարանում: 2012-2016թթ. սովորել է Սանկտ Պետերբուրգի պետական համալսարանի ասպիրանտուրայում: 2017թ. աշխատել է Երևան քաղաքի ավագանու ԵԼՔ խմբակցությունում, որպես փորձագետ: 2011թ. պարգևատրվել է ԵՊՀ ՈւԽ արծաթապատ մեդալով: 2016թ. պարգևատրվել է՝ ՀՀ պաշտպանության նախարարության «Գարեգին Նժդեհ» մեդալով: «Քաղաքացիական պայմանագիր» կուսակցության հիմնադիր անդամ է: 2016թ. հոկտեմբերի 30-ին ընտրվել է «Քաղաքացիական պայմանագիր» կուսակցության վարչության անդամ: 2017թ. ապրիլի 2-ի խորհրդարանական ընտրություններում «ԵԼՔ» դաշինքի կողմից ռեյտինգային ընտրակարգով առաջադրվել է պատգամավորի թեկնածու Լոռու մարզն ընդգրկող թիվ 9 ընտրատարածքում։ 2018թ. մարտի 31-ին մեկնարկած «Իմ քայլը» շարժման նախաձեռնող անդամ է, որը ս.թ. ապրիլ-մայիս ամիսներին հանգեցրել է ոչ բռնի, ժողովրդական թավշյա հեղափոխության: 2018թ. մայիսի 11-ին նշանակվել է ՀՀ տարածքային կառավարման և զարգացման նախարար: Ամուսնացած չէ: