Վերջին ժամանակներս թույլ տրվեց երկու կոպիտ սխալ. Երջանիկ Աբգարյան

Կարծում եմ, որ ԱՄՆ նախագահ Թրամփը միջազգային ասպարեզում վերջին ժամանակներս թույլ տվեց երկու կոպիտ սխալ՝ Իրանի հետ միջուկային համաձայնագրից դուրս գալը եւ Երուսաղեմի ճանաչումն Իսրայելի մայրաքաղաք: Բայց դրանք արդյոք միայն սխալներ էին, կամ թե Միացյալ նահանգների չափազանցված կարողությունների ցուցադրում, թե՞ մի այլ բան: Փաստն այն է, որ դրանք Արեւմուտքում հանգեցրեցին պառակտողական ճեղքվածքի: Ես ինձ թույլ եմ տալիս ենթադրել, որ դա պատահականություն չէր: Ըստ էության Իրանի հետ համաձայնագրից ԱՄՆ-ի դուրս գալը իրանական հասարակությանը շեղում է ժողովրդավարության համար նրա պայքարից, որի վերջին 10-15 տարիներին ժամանակ առ ժամանակ ունեցած թեկուզ փոքր նվաճումները հուսադրում էին, որ իրանական վարչակարգը մոտ ապագայում էլի աստիճանաբար, բայց ավելի թափ առնող տեմպերով, կփոխի իր կրոնաքաղաքական բացասական վերաբերմունքը երկրի ժողովրդավարացման հանդեպ: Լավ, դրանից ի՞նչ շահեց ԱՄՆ-ը՝ ոչինչ: Վնասն՝ ի դեմս Արեւմուտքի որոշակի պառակտման, Ռուսաստանի հետ Իրանի մերձեցման՝ ակնհայտ է: Եթե նկատի ունենանք նաեւ այն, որ եւրոպական մի շարք երկրներ հակված չեն Ռուսաստանի հետ հարբերությունների էլ ավելի սրմանը, ապա Թրամփի հակաիրանական այդ քայլից ակնհայտորեն շահում է պուտինյան նացիստական Ռուսաստանը: Եւ Իսրայելը: շարունակելի Երջանիկ Աբգարյանի ֆեյսբուքյան գրառումը: