Խոշոր ավտովթար՝ «Զվարթնոց» օդանավակայանի տարածքում. 24-ամյա վարորդը Toyota-ով բախվել է շինության պատին

Այսօր՝ մայիսի 14-ին, խոշոր ավտովթար է տեղի ունեցել «Զվարթնոց» օդանավակայանի տարածքում։ Ժամը 00։30-ի սահմաններում Արմավիրի մարզի Մերձավան գուղի բնակիչ՝ 24-ամյա Նարեկ Օհանյանը իր վարած Toyota Camry մակնիշի 58 AL 555 համարանիշի ավտոմեքենայով բախվել է մայթեզրին, այնուհետև՝ օդանավակայանի տարածքում գտնվող քարե շինության պատին։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Ն. Օհանյանը և 3 ուղևոր մարմնական վնասվածքներով տեղափոխվել են «Աստղիկ» բժշկական կենտրոն։ Դեպքի վայր են ժամանել ճանապարհային ոստիկանության 1-ին սպայական գումարտակի ծառայողները։ Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է ճ անապարհային Ոստիկանության ճանապարհատրանսպորտային պատահարների գործերով հետաքննության ևվարչական վարույթի իրականացման բաժանմունք, որտեղից ժամանել է ավագ հետաքննիչ Ժիրայր Մարգարյանը, ում կողմից փաստի առթիվ նյութեր են նախապատրաստվում։ Ոստիկանությունը պարզում է վիրավորների ինքնությունը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: