Արդարադատության նորանշանակ նախարար Արտակ Զեյնալյանի կենսագրությունը

Նախագահ Արմեն Սարգսյանի մայիսի 12-ի հրամանագրի համաձայն ՀՀ արդարադատության նախարար է նշանակվել Արտակ Զեյնալյանը: Իրավաբան.net-ը ձեզ է ներկայացնում արդարադատության նոր նախարարի կենսագրությունը: Արտակ Զեյնալյանը ծնվել է 1969թ Երևանում։ 2001թ «Հանրապետություն» կուսակցության հիմնադիր անդամ է, Քաղաքական խորհրդի անդամ, կենտրոնական գրասենյակի աշխատակազմի ղեկավարը: 1990-1997թթ կամավոր մասնակցել է Հայաստանի և Արցախի սահմանների պաշտպանությանը՝ Նիկոլ-Դուման երկրապահ կամավորական ջոկատի կազմում, 1992թ վիրավորվել է՝ կորցրել է ոտքը: 1998-2001թթ աշխատել է ՀՀ առողջապահության նախարարի տեղակալ. 2000-2001թթ ղեկավարել է «Ժողովրդագրական-Առողջապահական Հետազոտություն» ծրագիրը` իրականացվող ՀՀ առողջապահության նախարարության և ԱՄՆ «MAKRO internacional inc.» կազմակերպության հետ համատեղ 2001թ «Տանիք» իրավապաշտպան հասարակական կազմակերպության ու «Մարդու իրավունքների և հիմնարար ազատությունների պաշտպանության հասարակական խորհրդի» անդամ է: 2003թ «Իրավաբաններն ընդդեմ խոշտանգման» իրավապաշտման հասարակական կազմակերպության անդամ է: 2004թ ԱՄՆ Պետ դեպարտամենտի «Միջազգային այցելուների» ծրագրի շրջանակներում մասնակցել է ԱՄՆ Նախագահական ընտրարշավին. 2010թ նշանակվել է Հայաստանի Հանրապետության փաստաբանների պալատի Գիտավերլուծական կենտրոնի Սահմանադրական արդարադատության հարցերի հանձնաժողովի նախագահ: 2010թ դասավանդում է՝ Փաստաբանների դպրոցում և Փաստաբանների պալատում: 2011թ «Իրավունքի գերակայություն» իրավապաշտման հասարակական կազմակերպության հիմնադիր/նախագահ: 2015թ մի շարք ճանաչված և հեղինակավոր իրավապաշտպանների կողմից հիմնադրված «Արդարություն խմբի» անդամ: 2016թ «Ադրբեջանի Հանրապետության կողմից ռազմական միջամտության հետևանքով Արցախի և Հայաստանի քաղաքացիների իրավունքների պաշտպանություն» ծրագրի համակարգող է:Հեղինակել (համահեղինակ) և իրականացրել է տասնյակ նախադեպային դատական ակտերի հիմքում ընկած ստրատեգիական դատավարություններ, այդ թվում՝ Սահմանադրական դատարանի, շուրջ 50 որոշումների հիմքում ընկած դիմումներ, Մարդու իրավունքների Եվրոպական դատարան ներկայացված և ընթացքում գտնվող ավելի քան 450 գանգատների հեղինակ ու համահեղինակ է:Մի շարք աշխատանքների հեղինակ է։ ՀՀ նախագահի հրամանագրով արժանացել է «Արիության համար» մեդալի: Արժանացել է բազմաթիվ Կառավարական, Գերատեսչական, Գերատեսչական-Միջազգային և ոչկառավարական կազմակերպությունների զանազան պարգևատրումների պատվոգրերի, շնորհակալագրերի, այդ թվում` 2011թ «Ամալյա Կոստանյանի անվան մրցանակի»` սկզբունքային ու խիզախ գործունեության և քաղաքացիական հասարակության զարգացման գործում նշանակալի ներդրման համար, Տեղեկատվության ազատության մրցանակաբաշխության ժյուրիի կողմից ճանաչվել է 2006 թվականին տեղեկատվություն ստանալու իրավունքը լավագույնս կիրառած քաղաքացի, իսկ 2013թ. տեղեկատվության ազատության խախտված իրավունքի համար ամենահամառ ու հետևողական պայքարող իրավապաշտպանը և արժանացել է Ոսկե բանալի մրցանակների: 2009թ Հայաստանի Հանրապետության փաստաբանների պալատը` իրավապաշտպան գործունեության բնագավառում մեծ վաստակի համար շնորհվել է «Պալատի պատվավոր անդամի» կոչում: 2014թ Հայաստանում արևմտյան մի շարք երկրների դեսպանությունների և ԵԱՀԿ-ի գրասենյակի կողմից մարդու իրավունքների պաշտպանության ոլորտում նշանակալից ջանքերի համար արժանացել է «2014թ Համընհանուր իրավունքների մրցանակի»: 2016թ . Հայաստանում ԱՄՆ դեսպանատան կողմից արժանացել է «Տարվա իրավապաշտպան» տիտղոսին: Տիրապետում է հայերենին ռուսերենին, ֆրանսերենին: Ամուսնացած է, ունի չորս զավակ և մեկ թոռ: