Խոշոր ավտովթար Շիրակի մարզում

Այսօր՝ մայիսի 11-ին, խոշոր ավոտթվար է տեղի ունեցել Շիրակի մարզում: Ժամը 16:30-ի սահմաններում Երևան-Գյումրի ավտոճանապարհի Հոռոմ գյուղի 1-ին փողոցում բախվել են Հոռոմ գյուղի բնակիչ, 28-ամյա Արթուր Նալբանդյանի վարած Mitsubishi Colt մակնիշի 34 MN 423 համարանիշի և Գյումրի քաղաքի բնակիչ, 50-ամյա Ցոլակ Հովհաննիսյանի վարած ГАЗ 3110 մակնիշի 35 AO 049 համարանիշին ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու Ա. Նալբանդյանի ուղևոր, համագյուղացի, 47-ամյա Արաքսի Նալբանդյանը տեղափոխվել են Գյումրու բժշկական կենտրոն, իսկ Mitsubishi-ի ուղևորներ, Հոռոմ գյուղի բնակիչներ, 4-ամյա Մանվել Ներսիսյանը, և 2-ամյա Մենուա Ներսիսյանը մարմնական վնասվածքներով տեղափոխվել են Գյումրու Մոր և Մանկան ավստրիական հիվանդանոց: Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Գագիկ Վարդանյանի, դասակի հրամանատար Ռաֆայել Ասրյանի գլխավորությամբ: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Գեղամ Մարգարյանը տեղեկությունը փոխանցել է ոստիկանության Արթիկի բաժին, որտեղից ժամանել է օպերատիվ խումբը: Փաստի առթիվ ՃՈ 2-րդ սպայական գումարատկի 2-րդ վաշտի ավագ հետաքննիչ Նաիրի Գասպարյանի կողմից նյութեր են նախապատրաստվում: Նշված հատվածում ծառայություն են կատարչում ՃՈ տեսուչները, որպեսզի հետաքրքրասեր քաղաքացիները չկանգնեն և խցանում չառաջացնեն ճանապարհահատվածում: Գ. Շամշյաի տեղեկություններով՝ վարորդներից Ց. Հովհաննիսյանը աշխատում է Շիրաի մարզի Նոր Կյանքի միջնակարգ դպրոցում՝ որպես զինղեկ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: