Փաշինյանի հանձնարարականը. Սերժ Սարգսյանին սեփականություն տրամադրել

Կառավարության այսօրվա օրակարգում էր պաշտոնաթող  նախագահ Սերժ Սարգսյանին օրենքով սահմանված երաշխիքների տրամադրման մասին ՀՀ որոշման նախագիծը: ՀՀ արդարադատության նախարարի ժամանակավոր պաշտոնակատար Դավիթ Հարությունյանը նշեց՝ այս տարվա մարտի 20-ին Կառավարությունը որոշում ընդունեց, որով Կոնդի առանձնատների  ՊՈԱԿ հաշվեկշռում գտնվող  որոշակի շինություն  տրամադրվեց պաշտոնաթող նախագահին : «Սակայն 2018 թվականի ապրիլի 19-ի նիստում վարչապետ Սերժ Սարգսյանը հանձնարարեց, որ որոշման համապատասխան կետերը ուժը  կորցրած ճանաչվեն: «Պետք է նշեմ, որ վերջին պաշտոնաթող նախագահն է, որն օգտվում է այդ իրավունքից, քանի որ պաշթոնաթող նախագահների համար այլևս նման սոցիալական երաշխիք չենք նախատեսել: Ուստի առաջարկում եմ  պարոն վարչապետ Ձեր հանձնարարականը, որպեսզի հարցին անդրադարձ կատարվի մոտ ապագայում»,-նշեց նա: Նա նաև հիշեցրեց, որ Սերժ Սարգսյանը վերջին պաշտոնաթող նախագահն է, որն օգտվում է այդ իրավունքից , որովհետև մյուսների համար այլևս նման սոցիալական երաշխիք չեն նախաձեռնել: Վարչապետ Նիկոլ Փաշինյանը  հանձնարարեց կառավարության աշխատակազմի ղեկավար Էդուարդ Աղաջանյանին մեկ ամսվա մեջ Սերժ Սարգսյանին օրենքով սահմանված կարգով երաշխիքներն ի կատար ածել, այսինքն՝ սեփականություն տրամադրել: