Չափազանց կարևորում եմ հանրության մեջ հույսի զգացողության վերածնունդը.Հովհ.Մանուկյան
«Չափազանց կարևորում եմ հանրության մեջ հույսի զգացողության վերածնունդը: Իրականում թե՛ տնտեսությունը, թե՛ երկրի պաշտպանությունը, կախված են այն բանից, թե ինչպիսի տրամադրություն է հասարակությունում, թե ինչ սպասելիք կա ապագայից: Հասարակության մեջ առաջացել է հույսի զգացողություն դեպի վաղվա օրը, մեծ կապիտալ է ձևավորվել, որը իրավունք չունենք արժեզրկել»,- Հայելի ակումբում հրավիրված ասուլիսում , անդրադառնալով ներքաղաքական իրավիճակին, առաջիկայում սպասվող զարգացումներին՝ նշեց Արդարադատության նախկին նախարար Հովհաննես Մանուկյանը: Կառավարության կազմն ինչ սկզբունքներով է ձևավորվելու հարցին, Մանուկյանը պատասխանեց, որ ինքը չէ, որ պետք է խորհուրդ տա շարժման առաջնորդին և նոր վարչապետին: «Բայց իմ պատկերացմամբ՝ այս իրավիճակում հեղափոխական ալիքի վրա ձևավորված իշխանությունը պետք է ունենա կառավարություն, որը քաղաքական համակիրների կազմ պետք է ունենա:
Հետևեք մեզ Viber-ում
